fbpx
Laugardagur 24.október 2020
Fréttir

Leita manns sem er sakaður um kynferðislega áreitni á afmælisdaginn sinn

Ágúst Borgþór Sverrisson
Þriðjudaginn 29. september 2020 14:00

Hressó var í blóma árið 2018. Mynd: Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Fjörutíu og fjögurra ára maður hefur verið kallaður fyrir dóm og birt ákæra opinberlega vegna meintrar kynferðislegrar áreitni á Hressingarskálanum þann 11. nóvember árið 2018. Atvikið átti sér stað á afmælisdegi mannsins og líklegt má telja að hann hafi þetta kvöld (aðfaranótt sunnudags) verið að fagna afmæli sínu, en Hressingarskálinn var líflegur skemmtistaður á þessum tíma.

Ákæruvaldinu hefur ekki tekist að hafa upp á manninum til að birta honum ákæru og er hún því birt í Lögbirtingablaðinu.

Manninum er gefið að sök að hafa fært sig þétt upp að stúlku við barborð staðarins, „þannig að mjaðmsvæðið hans nam við rass“ hennar eins og segir í ákæru. Er hann ennfremur sagður hafa strokið mjaðmir hennar og maga með báðum höndum.

Er þetta talið varða 199. grein almennra hegningarlaga þar sem segir að hver sem gerist sekur um kynferðislega áreitni skuli sæta fangelsi allt að tveimur árum. Kynferðisleg áreitni felist meðal annars í að strjúka, þukla eða káfa á kynfærum eða brjóstum annars manns, innan klæða sem utan, enn fremur í táknrænni hegðun eða orðbragði sem sé meiðandi, ítrekað eða til þess fallið að valda ótta.

Þess er krafist að maðurinn verði dæmdur til refsingar og greiðslu alls sakarkostnaðar.

Þá er enn fremur gerð einkaréttarkrafa um að manninum verði gert að greiða konunni skaða- og miskabætur að fjárhæð 800.000 krónur.

Málið verður þingfest fyrir Héraðsdómi Reykjavíkur þann 29. október næstkomandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ákærður fyrir misnotkun stúlku – Brotin sögð spanna sex ár

Ákærður fyrir misnotkun stúlku – Brotin sögð spanna sex ár
Fréttir
Fyrir 2 dögum

Tilnefning Amy Coney Barrett afgreidd úr nefnd

Tilnefning Amy Coney Barrett afgreidd úr nefnd
Fréttir
Fyrir 2 dögum

Huginn vinnur meiðyrðamál öðru sinni – „Það er algjörlega klárt mál að þú ert ofbeldismaður“

Huginn vinnur meiðyrðamál öðru sinni – „Það er algjörlega klárt mál að þú ert ofbeldismaður“
Fréttir
Fyrir 2 dögum

Íslendingar í útlöndum í vandræðum vegna tæknibilunar hjá Arion banka – Fá ekki sendar greiðslur að heiman

Íslendingar í útlöndum í vandræðum vegna tæknibilunar hjá Arion banka – Fá ekki sendar greiðslur að heiman