fbpx
Miðvikudagur 28.október 2020
Fréttir

Safna undirskriftum við kröfu um að barnið þurfi ekki að fara til föður síns

Ágúst Borgþór Sverrisson
Sunnudaginn 27. september 2020 09:53

Ekki missa af Helstu tíðindum dagsins í pósthólfið þitt

Lesa nánar

Á fjórða þúsund manns hafa skrifað undir kröfu þess efnis að barni verði forðað frá samneyti við föður sinn en hann er ásakaður um kynferðisofbeldi gegn barninu. Móðirin hefur verið svipt forsjá yfir barninu fyrir að neita föður þess um umgengni á þeim forsendum að hann hafi brotið gegn barninu.

Sjá einnig: Íslensk móðir með þungar ásakanir

Eins og við greindum frá í gær hefur nafnlaus pistill móður á vefsvæði vakið mikla athygli. Þar lýsir hún meintri afbrigðilegri hegðun barnsföður síns í garð kornungrar dóttur hjónanna. Þrátt að málið hafi verið tekið fyrir í Stígamótum og Barnahúsi hefur rannsókn á ásökununum verið hætt. Móðirin segist nú hafa verið svipt forsjá barnsins.

Rétt er að taka fram að DV þekkir ekki til málsaðila eða málsatvika og hefur engar heimildir fyrir sanngildi ásakana móðurinnar. En lýsingar hennar á meintu atferli mannsins eru skuggalegar og hafa vakið mörgum ugg.

Á undirskriftasíðunni segir meðal annars:

„Við undirrituð fordæmum framgöngu stjórnvalda gagnvart móður sem er að verja barn sitt gegn kynferðisofbeldi föður og að móðir sé svipt forsjá yfir barni sínu fyrir það eitt að uppfylla frumskyldu sína sem er að vernda það gegn ofbeldi.

Við mótmælum því að aðför verði heimiluð og barn fært með valdi frá verndandi móður og afhent föður sem beitt hefur barnið kynferðisofbeldi og í það minnsta tvö önnur börn.

Við krefjumst þess að dómsmálaráðherra, Áslaug Arna Sigurbjörnsdóttir og félags- og barnamálaráðherra, Ásmundur Einar Daðason axli ábyrgð í málinu og að ríkisstjórnin viðurkenni, eins og dæmin sýna að kerfið hefur brugðist börnum í ofbeldishættu. Við krefjumst þess að ríkisstjórnin leiðrétti þessa framkvæmd og bjargi þessu barni!

Börn á Íslandi eiga rétt á vernd frá ofbeldi í allri ákvörðun um þeirra líf. Stjórnvöldum ber að gæta þess réttar og að framkvæmd sé sannarlega á grundvelli barnasáttmála Sameinuðu þjóðanna, barnalaga og barnaverndarlaga.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Eldsvoði í Kórahverfi

Eldsvoði í Kórahverfi
Fréttir
Í gær

Matarúthlutun stendur yfir hjá Fjölskylduhjálpinni í dag – 230 heimili fengu aðstoð í Reykjanesbæ í síðustu viku

Matarúthlutun stendur yfir hjá Fjölskylduhjálpinni í dag – 230 heimili fengu aðstoð í Reykjanesbæ í síðustu viku
Fréttir
Í gær

Hafnfirðingur ákærður fyrir flugeldamisferli – Ekki tekst að birta honum ákæru

Hafnfirðingur ákærður fyrir flugeldamisferli – Ekki tekst að birta honum ákæru
Fréttir
Í gær

Björgvin hvetur til aukinnar virðingar – Dóttirin og vinkonur hennar verða fyrir aðkasti í hverfinu

Björgvin hvetur til aukinnar virðingar – Dóttirin og vinkonur hennar verða fyrir aðkasti í hverfinu
Fréttir
Fyrir 2 dögum

Þórólfur óttast frekara smit

Þórólfur óttast frekara smit
Fréttir
Fyrir 2 dögum

„Því miður hefur það nú gerst sem við óttuðumst mest“

„Því miður hefur það nú gerst sem við óttuðumst mest“