Tveir Íslendingar eru á gjörgæslu á sjúkrahúsi á Las Palmas á Gran Canaria með COVID-19. Þetta kemur fram á fréttavefnum Trölli.is.
Annar Íslendinganna veiktist fyrir tæpri viku síðan og hafði hann umgengist Íslendinga á Ensku ströndinni á Gran Canaria töluvert mikið. Rétt nýlega bárust svo fréttir um að annar Íslendingur hefði verið lagður á gjörgæsælu í Las Palmas, þar sem hinn Íslendingurinn liggur núna.
Í Facebook-hópnum Heilsan á Kanarí birtist eftirfarandi pistill um málið. Þar er staðhæft að reynt hafi verið að þagga fréttir af þessum veikindum niður:
Fyrir tæpri viku síðar, var Íslendingur fluttur alvarlega veikur af covid, á gjörgæslu í Las Palmas.Þar sem Íslendingar mynda mjög þétt samfélag á Ensku ströndinni, umgangast mikið hverja aðra og stunda sömu staðina, er mjög mikilvægt að reyna ekki að þagga þetta niður, heldur að upplýsa alla um stöðu mála.
Nú er mjög mikilvægt, fyrir Íslendinga á svæðinu, að huga alvarlega að smitvörnum , því líklegt er að flestir hafi umgengist hann eða einhvern sem gerði það, á meðan hann var smitandi.Best er að vera í sjálfskipaðri sóttkví næstu viku til 10 daga. Fara eftir það í skimun. Þetta er mjög mikilvægt til að reyna að koma í veg fyrir hópsmit.Því miður virðast einhverjir hafa reynt að þagga þetta niður, það er mjög miður því þöggun stöðvar ekki smit, heldur er þöggun öruggasta leiðin til að auka útbreiðslu veirunnar.Þarna er margt fólk af heilsufarsástæðum og viðkvæmt fyrir smiti, stöndum saman í að verja hvort annað og upplýsa um stöðuna.Hægt er að fá greiningu á ýmsum rannsóknarstofum,en til þess þarf yfirleitt tilvísun frá lækni.Set síðar inn nánari upplýsingar um smit og rakningar- ef þær berast.
UPPFÆRT . NÚ MUNU 2 ISLENDINGAR VERA Á GJÖRGÆSLU. Vantar enn upplýsingar um hvenær sá seinni var lagður inn