fbpx
Miðvikudagur 23.september 2020
Fréttir

Slöpp viðbrögð Landlæknis vegna ástandsins á Skjóli

Heimir Hannesson
Laugardaginn 12. september 2020 10:40

mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Umfjöllun DV um Skjól í síðustu viku fékk miklar undirtektir frá fyrrverandi og núverandi starfsmönnum Skjóls. Eitthvað minna fór fyrir viðbrögðum stjórnenda og Landlæknis.

Í síðustu viku fjallaði DV um bagalegar aðstæður á hjúkrunarheimilinu Skjóli. Stigu þar fram heimildarmenn DV sem vildu ekki koma fram undir nafni af ótta við að missa vinnuna. Í kjölfar birtingar DV á umfjöllun sinni steig önnur kona fram opinberlega á samfélagsmiðlum og vísaði til sinnar eigin reynslu. Tók hún bæði undir umfjöllun DV og sagði sína sögu af aðstæðum á heimilinu. Sagði stúlkan meðal annars frá því að heimilisfólk væri bundið í hjólastóla, illa sinnt, grátandi og svipt reisn sinni.

Alls staðar virðist sagan vera sú sama. Fjársvelti leiðir til manneklu. Mannekla leiðir til skerðingar á þjónustu og úlfúðar meðal starfsfólks. Þjónustuskerðingin og úlfúðin bitnar á heimilisfólki.

Fálætisleg viðbrögð

DV leitaði eftir viðbrögðum Landlæknis vegna umfjöllunarinnar.

Embættið vísar í svari sínu til úttektar sinnar frá árinu 2019, sem DV vísaði til í frétt sinni. „Fram kom í úttektinni að starfsfólk í Skjóli lætur sér annt um íbúa og leggur sig fram um að tryggja lífsgæði og velferð þeirra. Aðalvandi heimilisins er tengdur undirmönnun sem leiðir til aukins álags á starfsfólk og felur í sér hættu á skerðingu á þjónustu við íbúana,“ segir í skriflegu svari embættisins. Segir þar jafnframt að oft hafi verið látnar í ljós áhyggjur af mönnun á hjúkrunarheimilum, vegna þekktra áhrifa mönnunar á gæði og öryggi heilbrigðisþjónustu.

Þar kemur enn fremur fram að stjórnendur hafi tjáð óánægju sína með ónóga fjármögnun, og sagt að fjárskortur gæti komið niður á þjónustu við íbúa. Segir Landlæknir jafnframt að mat embættisins hafi verið að grípa þyrfti til markvissra aðgerða til að bregðast við mönnunarvandanum. Enn er óljóst hvaða aðgerðir það eru eða hvort til þeirra hafi verið gripið. Þó segir Landlæknisembættið við DV að ákveðið hafi verið að fylgja eftir hlutaúttektinni 2019 ári síðar, en að henni hafi svo verið frestað vegna faraldurs COVID-19. Þeirri úttekt er nú lokið og verður skýrslan birt innan skamms á vefsíðu embættisins.

Frá og með næsta ári, að sögn embættisins, er ætlunin að allir veitendur heilbrigðisþjónustu skili inn árlegum gæðauppgjörum til Landlæknis. Munu þau innihalda upplýsingar um umbótastarf, gæðamál, atvikaskráningar og þjónustukannanir.

Heimildir sjaldan nýttar

Í lögum um Landlækni og lýðheilsu er Landlæknisembættinu veitt heimild til þess að stöðva rekstur hjúkrunarheimilis þar til bætt hefur verið úr annmörkum, sem embættið telur vera á rekstri þess, eða stöðva rekstur þess að fullu. Ljóst er að þessu úrræði hefur sjaldan, ef nokkurn tímann, verið beitt.

DV spurði Landlækni til hvers þyrfti að koma til þess að þessu úrræði yrði beitt, en hafði ekki fengið svör þegar blaðið fór í prentun.

Þessi frétt birtist fyrst í blaði DV síðustu helgi. Fyrir upplýsingar um áskrift má senda tölvupóst á askrift@dv.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 12 klukkutímum

57 smit í gær – 2400 manns í sóttkví

57 smit í gær – 2400 manns í sóttkví
Fréttir
Fyrir 13 klukkutímum

Telur að Gunnar fái í mesta lagi sex ára fangelsi

Telur að Gunnar fái í mesta lagi sex ára fangelsi
Fréttir
Í gær

Vandamál með klám í Rimaskóla – „Einhver í skólanum sagði honum að gera það“

Vandamál með klám í Rimaskóla – „Einhver í skólanum sagði honum að gera það“
Fréttir
Í gær

Steinunn Ólína hvetur til borgaralegar óhlýðni – Varar fólk við því að gerast leynilöggur

Steinunn Ólína hvetur til borgaralegar óhlýðni – Varar fólk við því að gerast leynilöggur
Fréttir
Í gær

Fangelsisrefsing liggi við fölsun og dreifingu nektarmynda

Fangelsisrefsing liggi við fölsun og dreifingu nektarmynda
Fréttir
Í gær

100 manna glæpagengi umsvifamikið í afbrotum – Vanmáttug lögregla

100 manna glæpagengi umsvifamikið í afbrotum – Vanmáttug lögregla
Fréttir
Fyrir 2 dögum

Ríkislögreglustjóri auglýsir eftir egypsku fjölskyldunni

Ríkislögreglustjóri auglýsir eftir egypsku fjölskyldunni
Fréttir
Fyrir 2 dögum

Héraðsdómur hafnar kröfu írakskrar fjölskyldu – Óttuðust „valdamikinn hershöfðingja“ vegna ljósmynda úr svallpartíi

Héraðsdómur hafnar kröfu írakskrar fjölskyldu – Óttuðust „valdamikinn hershöfðingja“ vegna ljósmynda úr svallpartíi