fbpx
Mánudagur 28.september 2020
Fréttir

Landsréttur staðfestir 7 ára fangelsisdóm fyrir 42 kíló

Heimir Hannesson
Föstudaginn 11. september 2020 14:44

mynd/tollgæsla

Ekki missa af Helstu tíðindum dagsins í pósthólfið þitt

Lesa nánar

Landsréttur hefur staðfest sjö ára fangelsisdóm Héraðsdóms Reykjavíkur yfir Heinz Bernhard Sommer frá því í febrúar á þessu ári.

Þjóðverjinn Heinz Bernhard og vinur hans, hinn rúmenski Victori-Sorin Epifanov, fluttu 37,8 kíló af amfetamíni og tæp 5 kíló af kókaíni. Efnin földu þau í Austin Mini Cooper bifreið sem þeir óku um borð í Norrænu. Fíkniefnahundar á Seyðisfirði runnu svo á fnyk efnanna þegar þangað var komið.

Felustaður efnanna í Cooper bifreiðinni var í sérútbúnu og lokuðu hólfi undir farangursgeymslu bifreiðarinnar. Því var læst með raflokum sem tengdir voru stýrisbúnaði með þráðlausu aðgengi eða fjarstýringarbúnaði. Í bílnum var einnig staðsetningarbúnaður með hollensku símkorti falinn í mælaborðinu. Mennirnir höfðu áður komið til landsins. Árið 2018 komu þeir saman á þessum sama bíl. Enn fremur ferðuðust þeir til Óslóar í Noregi og Basel í Sviss.

Mennirnir neituðu fyrir dómi að vita af efnunum. Í dómnum segir að framburður mannanna hafi verið á reiki, ósamrýmanlegur og ósannfærandi á köflum.

Efnin voru nokkuð sterk, en amfetamínið var 69,8% að styrkleika og kókaínið um 81,5% að meðalstyrkleika. Þannig má gera ráð fyrir að þau hefði verið hægt að þynna all duglega út. Var styrkleiki efnanna metinn mönnunum til refsiþyngingar.

Athygli vakti að sakarkostnaður sem mönnunum var gert að greiða af héraðsdómi var hár, eða um sex milljónir og málsvarnarkostnaður upp á 12,4 milljónir.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól

Landsréttur sýknar dagmömmu af líkamsárás gegn 20 mánaða barni – Sagði það hafa dottið úr stól
Fréttir
Fyrir 2 dögum

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð

Milljónabætur vegna „stórfellds gáleysis“ á Landspítalanum – Vaknaði aldrei aftur eftir aðgerð
Fréttir
Fyrir 2 dögum

Brennuvargurinn á Bræðraborgarstíg neitar sök – Ákærður fyrir að drepa þrjá og íkveikju

Brennuvargurinn á Bræðraborgarstíg neitar sök – Ákærður fyrir að drepa þrjá og íkveikju
Fréttir
Fyrir 2 dögum

Segir Ísland stefna í „útópíu sýklahrædda einfarans“

Segir Ísland stefna í „útópíu sýklahrædda einfarans“
Fréttir
Fyrir 3 dögum

Höskuldur Þórhallsson meðal umsækjenda hjá Náttúrufræðistofnun

Höskuldur Þórhallsson meðal umsækjenda hjá Náttúrufræðistofnun
Fréttir
Fyrir 3 dögum

Mikilvæg skilaboð frá landlækni – Þekkjum smitleiðirnar

Mikilvæg skilaboð frá landlækni – Þekkjum smitleiðirnar