Sandra Ósk Sigurðardóttir, fyrrverandi vefstjóri WOW air, myndi flokkast sem sleggja í ferðabransanum en hún réð sig nýverið til flugfélagsins Play. Má því lesa í þá ráðningu að félagið sé loks að sækja í sig veðrið. Sandra starfaði hjá WOW air í fimm ár eða þar til að félagið lagðist af. Sandra sá meðal annars um rekstur á vefsíðum WOW, bókunarvél og appi félagsins á öllum tungumálum og mörkuðum, auk þess sem hún tók virkan þátt í stefnumótun. Sandra starfaði þar áður sem vefstjóri hjá Primera Air og Mortgage Bankers Association í Washington DC.
