Átta einstaklingar greindust með kórónuveiruna hér á landi í gær. 80 sýktir einstaklingar eru í einangrun og 670 einstaklingar eru í sóttkví.
Þetta kom fram á upplýsingafundi Landlæknis og Almannavarna um kórónuveirufaraldurinn á Íslandi
914 sýni voru tekin hjá Íslenskri erfðagreiningu í gær. 291 sýni voru tekin á sýkla- og veirufræðideild og 2.035 í landamæraskimun.
Fram kom á fundinum að staðan frá því í gær væri nánast óbreytt. Búast má við sveiflum milli daga og ekki er rétt að leggja of mikinn skilning í það. Ekki liggur fyrir að brot hafi verið á sóttvarnarreglum nú um helgina.
Fram kom í erindi Þórólfs Guðnasonar sóttvarnarlæknis að nokkrir einstaklinga hefðu mælst með mikið magn af veiru. Það gæti þýtt að þeir séu meira smitandi en það segir ekki mikið til um styrk veirunnar. Ekki er hægt að svara því hvort veiran sé orðin skárri eða verri annars staðar.
Þá sagði Þórólfur að mörg smitanna sem hafa greinst séu óljós varðandi staðsetningu. Um er að ræða hópa sem hafa smitast og tengjast ekki greinilega.