fbpx
Þriðjudagur 19.október 2021
Fréttir

Forsætisráðherra Danmerkur: „Áhyggjuefni hve margir smitaðra eru ekki af vestrænum uppruna“

Heimir Hannesson
Laugardaginn 15. ágúst 2020 17:45

mynd/guardian

Ekki missa af Helstu tíðindum dagsins í pósthólfið þitt

Lesa nánar

„Þegar við horfum blákalt á fjölda smita, þá eru einfaldlega of mörg tilfelli smita meðal fólks sem ekki er af vestrænum uppruna.“ Þetta sagði Mette Frederiksen, forsætisráðherra Danmerkur á blaðamannafundi um ástand kórónuveirufaraldursins í Danmörku í dag. „Ég átta mig á því að víða í samfélaginu er spurt hvort umræða af þessum toga eigi rétt á sér, og hvort að það sé sanngjarnt að tefla þessum staðreyndum fram svona. Svar mitt við þeim spurningum er já,“ sagði forsætisráðherrann.

Frederiksen sendi á fundinum skýr skilaboð til innflytjendasamfélagsins að ábyrgðin liggi hjá þeim sem öðrum að fylgja reglum dansks samfélags um sóttvarnir. „Allir þurfa að taka ábyrgð á því að hlusta á og fylgja því hvað yfirvöld í Danmörku segja.“ Mette sagði jafnframt að upplýsingarnar væru til staðar og hefðu verið í marga mánuði. Enginn innan Danmerkur á að vera í vafa um hvernig eigi að haga sér í Covid-19 faraldrinum.

DR sagði frá.

Í frétt DR er jafnframt sagt frá því að hlutfallslega fleiri smit hefðu verið að mælast meðal innflytjendahópa síðan í vor. Nýlegar rannsóknir hafa svo bent á að hópsmit kórónaveirunnar í Árósum megi rekja beint til sómalískra og líbanskra samfélaga í Árósum og Silkeborg og hefur umræðan sem Mette Frederiksen stiklaði á í sínu máli vaxið umtalsvert síðan þá.

Hópsmit rakið til jarðarfarar

Forsætisráðherrann er raunar ekki fyrsti stjórnmálamaðurinn til að benda á þessa staðreynd, en Jacob Bundsgaard, borgarstjóri Árósa, benti nýverið á þá staðreynd að smit væru algeng meðal Sómala í borginni. Hlaut hann talsverða gagnrýni fyrir framsetningu sína á staðreyndunum.

Danir hafa undanfarna daga staðið í svipaðri umræðu og hér heima á Íslandi um hvort og hvernig eigi að opna landið að fullu að nýju. Eitt atriði sem rætt er um nú er að takmarka samkomur við 200 utandyra. Þetta kemur í kjölfar þess að hópsmit var rakið til jarðarfarar sómalísks manns þar sem 500 gestir mættu, margir þeirra voru Sómalar. Til stóð að hækka leyfðan fjölda í 500, en því var slegið á frest í ljósi hópsmitanna. Enn fremur verður ráðgerðri opnun skemmtistaða seinkað.

Hluti pólitískrar sáttar um hvernig haga skuli framhaldinu í tengslum við viðbrögð hins opinbera vegna Covid 19, er einmitt að beini meiri athygli að smitum í vissum samfélagshópum, að sögn DR.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Segja starfsmann sambýlis í Reykjavík hafa sent myndband af nöktum vistmanni á Snapchat

Segja starfsmann sambýlis í Reykjavík hafa sent myndband af nöktum vistmanni á Snapchat
Fréttir
Fyrir 2 dögum

Margrét Erla opnar sig: „Ég var eins og draugur sem rétt náði að sinna sjálfri mér og barninu, engu öðru“

Margrét Erla opnar sig: „Ég var eins og draugur sem rétt náði að sinna sjálfri mér og barninu, engu öðru“
Fréttir
Fyrir 2 dögum

Skúli horfði á Grímu skríða kviknakta upp úr sjónum með kind í fanginu – „Hún er miklu meiri töffari en ég“

Skúli horfði á Grímu skríða kviknakta upp úr sjónum með kind í fanginu – „Hún er miklu meiri töffari en ég“
Fréttir
Fyrir 3 dögum

Stúlka sem þjáist af alvarlegum kvíða fær ekki frístundastyrk frá Kópavogsbæ eins og önnur börn – „Computer says no“

Stúlka sem þjáist af alvarlegum kvíða fær ekki frístundastyrk frá Kópavogsbæ eins og önnur börn – „Computer says no“
Fréttir
Fyrir 3 dögum

Brynjar segir Öfga vera að eyðileggja þjóðfélagið – „Hættulegasta fólk heimsins var alltaf í réttlætisbaráttu“

Brynjar segir Öfga vera að eyðileggja þjóðfélagið – „Hættulegasta fólk heimsins var alltaf í réttlætisbaráttu“
Fréttir
Fyrir 3 dögum

Alþingi birtir kærurnar tólf: Rúnar Björn kærir framkvæmd kosninga – fékk ekki að kjósa leynilega

Alþingi birtir kærurnar tólf: Rúnar Björn kærir framkvæmd kosninga – fékk ekki að kjósa leynilega