Vinnuslys og óvenjulega margir árekstrar á Suðurnesjum
Vinnuslys varð á Suðurnesjum í gær þegar tveir mönn hröpuðu þrjá og hálfan metra til jarðar eftir að vinnupallur sem þeir stóðu á gaf sig. Annar maðurinn var fluttur á slysadeild Heilbrigðisstofnunar Suðurnesja en hinn sakaði ekki. Þetta kemur fram í tilkynningu lögreglunnar.
Jafnframt kemur þar fram að óvenjumörg umferðaróhöpp hafa orðið í umdæmi lögreglunnar á Suðurnesjum síðustu daga. Ökumaður velti bíl sínum þegar hann ók upp á hringtorg á vegamótum Reykjanesbrautar og Þjóðbrautar. Ökumaðurinn ók niður nokkur skilti á hringtorginu og hafnaði svo á hliðinni. Enn annar ók aftan á aðra bifreið á Njarðarbraut. Sá var grunaður um neyslu áfengis og fíkniefna.
Mótorhjólamaður missti hjól sitt út af Nesvegi og var fluttur á Landspítalann í Fossvogi. Fleiri umferðaróhöpp urðu án alvarlegra slysa á fólki. Þá hefur lögregla stöðvað nokkra ökumenn fyrir hraðakstur, einkum á Reykjanesbraut.