Maður á sjötugsaldri var þann 7. júlí síðastliðinn fundinn sekur í Héraðsdómi Reykjaness um að hafa þann 13. júní síðastliðinn fróað sér í strætisvagni á leið frá Reykjanesbæ til Hafnarfjarðar. Vitni urðu að athæfi mannsina og þar á meðal voru tvö börn.
Í dómnum segir að með háttsemi sinni hafi maðurinn sýnt af sér lostugt og ósiðlegt athæfi sem hafi verið til þess fallið að særa blygðunarsemi þeirra sem urðu vitni að.
Maðurinn var einnig dæmdur fyrir búðaþjófnað í tveimur tilvikum.
Var maðurinn dæmdur í fimm mánaða skilorðsbundið fangelsi og til að greiða börnunum tveimur sem urðu vitni að athæfi hans 500 þúsund krónur hvoru í miskabætur.