fbpx
Miðvikudagur 12.ágúst 2020
Fréttir

Fangaverðir mótmæla lokun fangelsisins á Akureyri

Heimir Hannesson
Þriðjudaginn 14. júlí 2020 11:39

Mynd/Heiða Helgadóttir

Ekki missa af Helstu tíðindum dagsins í pósthólfið þitt

Lesa nánar

Fangavarðafélagið sendi rétt í þessu frá sér afdráttalausa tilkynningu þar sem lokun fangelsisins á Akureyri er mótmælt harðlega. Segir félagið lokunina stangast á við yfirlýsta stefnu um fjölgun starfa á landsbyggðinni og bendir á að sex störf muni tapast fyrir norðan.

Áratugareynsla muni tapast við þessar aðgerðir ásamt verðmætri tengingu við lögregluna, segir í tilkynningunni og bendir félagið á farsælt samstarf lögreglu og fangavarða í áraraðir. Fangelsið og lögreglan á Akureyri eru í sama húsi í bænum, en fangelsið var endurbyggt árið 2008 og þykir vel útbúið.

Segir jafnframt í tilkynningunni:

Samkvæmt tölum Þjóðskrár um íbúafjölda landsins í janúar 2020 búa um 13,3% landsmanna á norðurlandi vestra, norðurlandi eystra og austurlandi. Það er því í lófa lagt að þessir landshlutar hafi fangelsi í nærumhverfinu, bæði til að vista gæsluvarðhaldsfanga og afplánunarfanga.

Stór hluti af betrun fanga eru bætt samskipti við fjölskyldu og vini. Þau samskipti styrkjast hvað mest þegar aðstandendur geta heimsótt fangana. Gott aðgengi og stuttur ferðatími skiptir því miklu máli.

Þá bendir félagið á í tilkynningunni að kostnaður gæti aukist til muna við flutning á gæsluvarðahaldsföngum, en einu starfandi gæsluvarðahaldsfangelsi landsins verða þá sunnanheiða, á Hólmsheiði og á Litla hrauni. Fyrir lokun var eitt gæsluvarðahaldspláss í fangelsinu á Akureyri. „Við eigum því bágt með að skilja í hverju sparnaðurinn felst,“ segja fangaverðir.

Fangaverðir segjast hafa skilning á niðurskurðarkröfu sem ríkið hefur viðhaft ár eftir ár og að Fangelsismálastofnun sé fyrir vikið sniðinn ansi þröngur stakkur:

Fangavarðafélag Íslands sýnir því fullan skilning að Fangelsismálastofnun hefur sætt niðurskurðum ár eftir ár og er sniðinn ansi þröngur stakkur í fjárútlátum. Það hefur kostað hinar ýmsu sparnaðaraðgerðir, eins og t.d. lokun á öryggisdeild á Litla-Hrauni og nú lokun fangelsisins á Akureyri.

Við skorum því á stjórnvöld að auka fjárheimildir til fangelsiskerfisins í heild, svo hægt sé að reka þetta mikilvæga kerfi með sóma og snúa við þeirri óheillaþróun sem nú á sér stað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Fyrir 23 klukkutímum

Engin innanlandssmit í gær – Þrjú við landamærin

Engin innanlandssmit í gær – Þrjú við landamærin
Fréttir
Fyrir 23 klukkutímum

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“

46 grunnskólakennarar í nánu samneyti á golfmóti – „Reyndum eins og við gátum að halda 2ja metra reglunni“
Fréttir
Í gær

Þórólfur er ósammála Kára og vill ekki loka landinu – „„Við erum að fara í aðra vegferð núna“

Þórólfur er ósammála Kára og vill ekki loka landinu – „„Við erum að fara í aðra vegferð núna“
Fréttir
Í gær

Stefnir í eins metra reglu í skólum og leyfðan fótbolta

Stefnir í eins metra reglu í skólum og leyfðan fótbolta
Fréttir
Fyrir 2 dögum

Tveggja metra reglan ekki virt á veitingastöðum – Fíkniefnamál

Tveggja metra reglan ekki virt á veitingastöðum – Fíkniefnamál
Fréttir
Fyrir 2 dögum

Fólk með mótefni gegn Covid-19 má ekki heimsækja fólk í sóttkví – „Gæti mögulega borið snertismit frá öðrum“

Fólk með mótefni gegn Covid-19 má ekki heimsækja fólk í sóttkví – „Gæti mögulega borið snertismit frá öðrum“