Þýska flugfélagið Lufthansa hefur reglulegt flug til Íslands í byrjun júlí og verður með þrjár ferðir í viku hingað til lands. Þetta kemur fram í frétt á vefnum Turisti.is.
Til að byrja með munu þotur Lufthansa fljúga hingað tvisvar í viku frá Frankfurt og vikulega frá München. Íslenskir farþegar geta þá fundið tengiflug áfram með félaginu frá þessum flugvöllum lengra út í heim.
Samkvæmt frétt Túrista liggur ekki fyrir hvaða vikudaga verður flogið fyrir utan að brottfarir frá Keflavíkurflugvelli til Frankfurt verða á fimmtudögum og laugardögum til að byrja með.