Barein trónir á toppnum en þar er áfengisverð 345% yfir alþjóðlegu meðalverði. Turks and Caicos eyjur eru í öðru sæti en þar er verðið 176% yfir alþjóðlegu meðalverði. Íran er í þriðja sæti en þar er verðið 175% yfir alþjóðlegu meðalverði. Ísland er síðan í fjórða sæti en hér á landi er meðalverðið 150% yfir alþjóðlegu meðalverði. Singapore kemur þar næst með 143% hærra verð en meðalverðið er á heimsvísu. Noregur er í áttunda sæti listans en þar er verðið 129% hærra en alþjóðlegt meðalverð.
Áfengisverðið í Barein er ekki í takt við almennt verðlag í landinu en þar er almennt verðlag 25% lægra en alþjóðlegt meðalverð. Qvartz segir að þetta sýni að aðrir þættir, eins og skattar og gjöld, hafi áhrif á áfengisverðið.
Í Þýskalandi er meðalframfærslukostnaður 25% yfir alþjóðlegu meðaltali en áfengisverð er 23% undir alþjóðlegu meðalverði.