fbpx
Þriðjudagur 14.júlí 2020
Fréttir

Ingimar ákærður fyrir stórfelld skattsvik og peningaþvætti – Hefur sett tvær starfsmannaleigur á hausinn

Ágúst Borgþór Sverrisson
Fimmtudaginn 28. maí 2020 14:07

Ekki missa af Helstu tíðindum dagsins í pósthólfið þitt

Lesa nánar

Ingimar Skúli Sævarsson, fyrrverandi eigandi starfsmannaleiganna  Manngildi og Verkleigunnar, hefur verið ákærður fyrir stórfelld skattsvik og peningaþvætti. Fyrirtaka er í málinu í Héraðsdómi Reykjavíkur í dag en DV hefur ákæruna undir höndum.

Ingimar hefur keyrt báðar starfsmannaleigurnar í þrot. Ákæran snertir meint brot Ingimars sem framkvæmdastjóra og stjórnarmanns Verkleigunnar. Samanlögð meint brot varða fjárhæðir upp á samtals vel yfir 100 millónir króna.

Í fyrsta lið ákærunnar er Ingimar gefið að sök að hafa staðið skil á efnislega röngum virðiskaukaskattsskýrslum Verkleigunnar fyrir árið 2017 og ekki staðið skil á virðisaukaskatti fyrir samtals 57 milljónir króna.

Í öðrum lið ákærunnar er honum gefið að sök að hafa ekki staðið skil á staðgreiðslugreinum félagsins vegna staðgreiðslu opinberra gjalda fyrir tímabilið október til desember 2017. Um er að ræða launatengd gjöld og staðgreiðslu skatta af launum starfsmanna. Þessi fjárhæð er samtals 30 milljónir króna.

Í þriðja lagi er Ingimar sakaður um að hafa vantalið fram tekjur fyrirtækisins upp á rúmlega 66 milljónir króna og vangreiddur tekjuskattur og útsvar af því er um 27,5 milljónir króna. Þar inn í kemur peningaþvættisbrotið þar sem ákærði er sakaður um að hafa nýtt sér fjármuni sem hefðu átt að fara í greiðslu skatta og gjalda.

Héraðssaksóknari krefst þess að Ingimar verði dæmdur til refsingar og greiðslu alls sakarkostnaðar.

Handtekinn ásamt 9 erlendum starfsmönnum

Ingimar Skúli Sævarsson hefur oft verið í fréttum vegna reksturs síns á starfsmannaleigum. Haustið 2018 greindi dv.is frá því að hann hefði verið handtekinn ásamt níu meintum ólöglegum starfsmönnum sínum. Voru starfsmennirnir sagðir hafa komið til landsins á fölskum skilríkjum.

Þann 30. árið 2019 var Manngildi tekið til gjaldþrotaskipta en Verkleigan varð gjaldþrota vorið 2018 og Manngildi var stofnuð í kjölfarið. Sjá nánar frétt DV

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 22 klukkutímum

Prófessor vill ganga lengra en að afglæpavæða neysluskammta- Tveir af hverjum fimm sitja inni vegna fíkniefna

Prófessor vill ganga lengra en að afglæpavæða neysluskammta- Tveir af hverjum fimm sitja inni vegna fíkniefna
Fréttir
Fyrir 23 klukkutímum

KAPP kaupir Kistufell

KAPP kaupir Kistufell
Fréttir
Fyrir 3 dögum

Kári segir sögusagnirnar ósannar – „En ég vildi að ég hefði rifbeinsbrotið ýmsa menn“

Kári segir sögusagnirnar ósannar – „En ég vildi að ég hefði rifbeinsbrotið ýmsa menn“
Fréttir
Fyrir 3 dögum

Gekk berserksgang og beitti ofbeldi í verslun vegna þess að hann var ósáttur með afgreiðsluna

Gekk berserksgang og beitti ofbeldi í verslun vegna þess að hann var ósáttur með afgreiðsluna