Pétur Einarsson, fyrrverandi flugmálastjóri, er látinn, 72 ára að aldri. Frá þessu greinir vefur Mannlífs. Pétur stríddi við ólæknandi krabbamein, hvítblæði.
Pétur Einarsson á afar fjölbreyttan starfsferil að baki en hann var flugmálastjóri frá árunum 1983 til 1992. Hann var með réttindi sem héraðsdómslögmaður, atvinnuflugmaður og húsasmíðameistari, og minni skipstjórnarréttindi.
Pétur var lífskúnstner og djúphugull maður. Eftir hann liggja nokkrar bækur. Pétur hélt úti síðunni Dagbók krabbameinssjúklings á Facebook, þar sem hann birti hugleiðingar sínar og deildi lífsreynslu sinni.
Eftirlifandi eiginkona Péturs er Svanfríður Ingvarsdóttir.
DV sendir aðstandendum Péturs Einarssonar innilegar samúðarkveðjur