fbpx
Miðvikudagur 12.ágúst 2020
Fréttir

Davíð nefnir „risavaxinn“ galla við það að Íslendingar ferðist innanlands í sumar

Jón Þór Stefánsson
Miðvikudaginn 20. maí 2020 17:30

Ekki missa af Helstu tíðindum dagsins í pósthólfið þitt

Lesa nánar

Davíð Þorláksson, lögfræðingur og fyrrverandi formaður Sambands ungra sjálfstæðismanna skrifaði pistil sem birtist í Fréttablaðinu í morgun. Þar ræddi hann um ferðasumarið sem er fram undan, en búist er við því að Íslendingar verði duglegir að ferðast innanlands.

„Það virðast allir sem vettlingi geta valdið ætla að ferðast innanlands í sumar. Sem er viðeigandi því stundum þarf maður að vera með vettlinga á Íslandi um hásumar. Það er hið best mál þótt það sé ljóst að það dugi hvergi nærri til að vega upp á móti hruni í komu ferðamanna.“

Davíð segir að einn hængur verði á þessu fyrirhugaða ferðasumari og það séu kvörtunargjarnir Íslendingar sem munu láta verð á hinum ýmsu hlutum fara í taugarnar á sér.

„Ég sé bara einn galla við þessi áform, og hann er reyndar risavaxinn. Þess er þá ekki langt að bíða að hneykslunargjarnt fólk á samfélagsmiðlum byrji að kvarta yfir því hvað einhver tertusneið kostaði á einhverjum veitingastað í einhverju plássi út á landi. Áður en til þess kemur er ágætt að hafa nokkur atriði í huga.“

Hann telur að eðlilegt sé að kökusneiðar verði dýrar næsta sumar vegna aðstæðna á Íslandi og að enginn muni ríða feitum hesti sama hversu margar kökusneiðar seljist.

„Í fyrsta lagi eru laun há á Íslandi. Launahlutfallið, þ.e. hlutfall verðmætasköpunar sem skilar sér til launafólks, er hærra en í nokkru þróuðu ríki. Þá eru meðaltekjur þær þriðju hæstu í heimi. Í öðru lagi eru skattar háir á Íslandi. Skatttekjur hins opinbera sem hlutfall af vergri landsframleiðslu eru þær aðrar til þriðju hæstu í heimi. Í þriðja lagi er vert að hafa í hug að stærstu hluti tekna ferðaþjónustunnar kemur yfir sumarið, einkum úti á landi. Það þarf hins vegar að greiða allan fastan kostnað allt árið, eins og húsnæðiskostnað, þótt innkoma sé ef til vill lítil sem engin.

Höfum þetta í huga þegar við ferðumst um landið í sumar og höfum hugfast að það mun líklega enginn í ferðaþjónustu ríða feitum hesti frá þessu sumri. Jafnvel þótt við verðum mjög dugleg að kaupa tertusneiðar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Meintur brennuvargur áfram í gæsluvarðhaldi – Lögreglan segir hætta á að maðurinn flýi land

Meintur brennuvargur áfram í gæsluvarðhaldi – Lögreglan segir hætta á að maðurinn flýi land
Fréttir
Í gær

Víðir segir engan fót fyrir orðrómi um að virkt smit hafi verið rakið til vændiskonu

Víðir segir engan fót fyrir orðrómi um að virkt smit hafi verið rakið til vændiskonu
Fréttir
Í gær

Bogi og Jóhannes sagðir hafa heimtað aðgerðir – Þess vegna var öruggu löndunum fjölgað

Bogi og Jóhannes sagðir hafa heimtað aðgerðir – Þess vegna var öruggu löndunum fjölgað
Fréttir
Í gær

Ná sér ekki af eftirköstum COVID-19 og reyna að komast í endurhæfingu á Reykjalundi

Ná sér ekki af eftirköstum COVID-19 og reyna að komast í endurhæfingu á Reykjalundi
Fréttir
Fyrir 2 dögum

Matthías bitcoin-svindlari ákærður fyrir amfetamínframleiðslu – Lagt hald á stíflueyði og öndunargrímur

Matthías bitcoin-svindlari ákærður fyrir amfetamínframleiðslu – Lagt hald á stíflueyði og öndunargrímur
Fréttir
Fyrir 2 dögum

Þórólfur er ósammála Kára og vill ekki loka landinu – „„Við erum að fara í aðra vegferð núna“

Þórólfur er ósammála Kára og vill ekki loka landinu – „„Við erum að fara í aðra vegferð núna“