fbpx
Laugardagur 11.júlí 2020
Fréttir

„Blautur draumur“ hefði breyst í martröð

Jón Þór Stefánsson
Miðvikudaginn 20. maí 2020 19:00

Simmi Vill.

Ekki missa af Helstu tíðindum dagsins í pósthólfið þitt

Lesa nánar

Talsmaður FESK, Félags eggja-, svína- og kjúklingabænda á Íslandi, Sigmar Vilhjálmsson, betur þekktur sem Simmi Vill, skrifaði pistil sem birtist á Vísi í dag. Í pistlinum ræðir hann um breytingarnar sem hafa orðið á samfélaginu vegna COVID-19, þá sérstaklega í sambandi við sjálfbærni í matvælainnflutningi.

„Það hefur margt breyst í samfélaginu okkar eftir COVID-19 en sem betur fer ekki allt.

Í janúar gátum við gert allt sem okkur sýndist, frelsið var framar öllu og allir máttu gera það sem þeim fannst rétt á hverjum tíma. Ferðalög voru skipulögð og landamærin við umheiminn voru ekki til.“

Simmi ræddi um að innflytjendur matvæla hefðu gert lítið úr umræðum bænda um fæðuöryggi og í staðinn fjallað um frelsi og valkost neytenda. Nú þurfa hins vegar allir að hugsa um fæðuöryggi.

„Innflytjendur matvæla töluðu um frelsi og valkost neytenda og gerðu lítið úr umræðu bænda um mikilvægi fæðuöryggis og hvað þá matvælaöryggis.

Eins og hendi var veifað þá kom upp staða í heiminum þar sem allar þjóðir þurftu að standa vörð um fæðuöryggi sinnar þjóðar. Verkefnið snéri að því að halda uppi matvælaframleiðslu þrátt fyrir fjöldatakmarkanir og þá snéru aðgerðir að því að tryggja fyrst og fremst fæðu fyrir þegna hvers lands. Útflutningur var aukaatriði á þessum tímapunkti og innflutningur nánast lagðist af. Íslendingar fundu fyrir þessu og þá sérstaklega í sjávarútvegi. Allar þjóðir litu inn á við. Hér á Íslandi var það sama upp á teningnum innflutningur minnkaði verulega og þjóðin gat reytt sig íslenska bændur og matvælaframleiðendur.“

Hann spyr sig hvernig staðan væri ef að Ísland væri háðara innflutningi og segir að svarið sé að „blautur draumur“ innflytjenda hefði breyst í ansi erfiða stöðu.

„Auðvelt er að leiða hugann að því hvernig staðan væri ef við værum háðari innflutningi en raunin er. Ef markaðsumhverfið hér á landi væri eins og blautur draumur innflytjenda þá værum við án efa í erfiðari stöðu sem þjóð.

Bara lítið dæmi um það er íslenska krónan og verðlag. Frá því í byrjun Janúar þá hefur Evran hækkað úr 137 kr. upp í 157 kr. Sem þýðir að innfluttar matvörur hefðu hækkað á neytendur um ein 15%. Annað dæmi er sá veikleiki að vera háður innflutningi á nauðsynjavörum.“

Simmi segir að við munum læra af ástandinu og að mikilvægt sé að standa vörð um fæðuöryggi þjóðarinnar því að við verðum að geta séð um okkur sjálf.

„Það er von að við munum og lærum af þessu ástandi. Munum mikilvægi þess að standa vörð um fæðuöryggi þjóðarinnar og lærum af því að þegar öllu er á botninn hvolft þá þurfum við að sjá um okkur sjálf.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Fréttir
Í gær

Dóttir Svandísar greind með heilaæxli – „Þetta er stærsta verkefni lífs míns.“

Dóttir Svandísar greind með heilaæxli – „Þetta er stærsta verkefni lífs míns.“
Fréttir
Í gær

Úr dagbók lögreglu: Fíkniefnaakstur, skráningarmerkjasvindl og krakkar með flugelda

Úr dagbók lögreglu: Fíkniefnaakstur, skráningarmerkjasvindl og krakkar með flugelda
Fréttir
Fyrir 2 dögum

Segir Háskólann á Akureyri hafa svívirt minningu ömmu sinnar og afa

Segir Háskólann á Akureyri hafa svívirt minningu ömmu sinnar og afa
Fréttir
Fyrir 2 dögum

Veðurvaktin: 20 stiga hiti á Suðurlandi í dag og á morgun

Veðurvaktin: 20 stiga hiti á Suðurlandi í dag og á morgun
Fréttir
Fyrir 2 dögum

Lúsmýið líklega verst í Hveragerði: Hrikaleg bitsár

Lúsmýið líklega verst í Hveragerði: Hrikaleg bitsár
Fréttir
Fyrir 2 dögum

Fyrrverandi starfsmenn Messans rita opin bréf til eigenda og Eflingar – „Við vorum rænd laununum“

Fyrrverandi starfsmenn Messans rita opin bréf til eigenda og Eflingar – „Við vorum rænd laununum“