Leit að skipverjanum sem talið er að fallið hafi útbyrðis af fiskiskipi á leið þess til hafnar í Vopnafirði í gær, hófst í bítið í morgun að sögn lögreglu. Fjölmennt lið björgunarsveita af Austur- og Norðurlandi sinnir leitarstarfi en leitað er á sjó og fjörur gengnar.
Í nýrri tilkynningu sem barst kl 11:30 frá Kristjáni Ólafi Guðnasyni yfirlögregluþjóni á Austurlandi kemur fram að um hundrað og fjörutíu manna lið björgunarsveita tekur þátt auk starfsmanna Landhelgisgæslu og lögreglu. Leitin fer fram á sjó þar sem sérbúinn drónakafbátur björgunarsveita er í notkun auk björgunarbáta sveitanna. Einnig eru fjörur gengnar. Flugvél Landhelgisgæslunnar TF-SIF,er rétt ófarin í loftið til leitar, segir ennfremur í tilkynningunni.