fbpx
Mánudagur 25.maí 2020
Fréttir

Engin refsing fyrir kynferðisbrot gegn 16 ára samstarfskonu

Ágúst Borgþór Sverrisson
Mánudaginn 18. maí 2020 16:39

Ekki missa af Helstu tíðindum dagsins í pósthólfið þitt

Lesa nánar

Maður var í dag sakfelldur fyrir kynferðisbrot gegn 16 ára stúlku fyrir Héraðsdómi Reykjaness.

Þann 28. janúar árið 2018 kom 16 ára stúlka á lögreglustöð í fylgd stjúpföður síns og kærði samstarfsmann fyrir kynferðislega áreitni á vinnustað þeirra, sem var verslun. Sagði hún manninn meðal annars hafa tekið utan um hana, klipið í brjóst hennar utanklæða og slegið hana í rassinn. Áreitnin hafði staðið yfir í nokkurn tíma en hætt nokkrum vikum fyrir tilkynninguna til lögreglu, eftir að stjúpfaðir stúlkunnar skarst í leikinn, kom á vinnustaðinn og krafðist þess að maðurinn yrði rekinn.

Áreitnin olli stúlkunni mikilli vanlíðan og varð meðal annars til þess að hún þoldi ekki lengur snertingu kærasta síns.

Í yfirheyrslum hjá lögreglu játaði maðurinn þessar ávirðingar að mestu en fyrir dómi lýsti hann yfir sakleysi. Í lögregluyfirheyrslum játaði hann girnd til barna og sagðist hafa leitað á systur sína er hún var á níunda ári. Í yfirheyrslum sagðist hann núna hrífast mest af ungum stúlkum á aldrinum 15-17 ára sem væru smávaxnar.

Stúlkan var hrædd við ákærða

Vitni voru að einhverri af áreitninni þó að hinn ákærði hafi eftir fremsta megni reynt að brjóta eingöngu á stúlkunni þegar enginn sá til. Þá sagði samstarfsmaður hans að hinn ákærði hafi alltaf verið „„perri“ í samskiptum við kvenkyns samstarfsmenn. Í fyrstu hafi hann verið meira að fíflast í Y, en framferði hans síðan ágerst og hann verið farinn að bjóða henni heim til sín „í kósý“. Að sögn B hafi ákærði iðulega faðmað Y þétt að sér, með mun innilegri hætti en eðlilegt gæti talist og farið höndum um líkama hennar. Henni hafi greinilega fundist þetta óþægilegt, hún verið hrædd við ákærða og þreytt á óviðeigandi bröndurum hans,“ segir í texta dómsins, þar sem Y táknar stúlkuna sem varð fyrir áreitninni og B samstarfsmann hins ákærða.

Kallaðir voru fyrir dóminn sérfræðingar í geðlækningum sem lögðu mat á ástand hins ákærða. Maðurinn er sagður glíma við væga þroskahömlun en skilja lög og reglur samfélagsins og þekkja muninn á réttu og röngu. Hann var því dæmdur sakhæfur. Hann er sagður haldinn barnagirnd sem beinist nú að ungum stúlkum. Með viðeigandi ramma og umhverfi og eftirliti fagaðila megi lágmarka verulega þá hættu sem stafi af barnagirnd hans.

Maðurinn var talinn sakhæfur en matsmenn töldu að refsing væri ekki líkleg til að bera árangur.

Manninum varð ekki gerð refsing en hann var dæmdur til að greiða stúlkunni 800.000 krónur í miskabætur. Einnig þarf hann að greiða allan sakarkostnað, samanlagt um 1.200 þúsund krónur.

Sjá dóm héraðsdóms

.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Líklega dýrasta gisting á landinu

Líklega dýrasta gisting á landinu
Fréttir
Fyrir 2 dögum

Tómasarlundur gróðursettur til heiðurs bassaleikara Íslands

Tómasarlundur gróðursettur til heiðurs bassaleikara Íslands
Fréttir
Fyrir 3 dögum

Ólga í Vesturbæ útaf hundapissi – Blóðug forsaga – „Ég hef líklega kallað það yfir mig“

Ólga í Vesturbæ útaf hundapissi – Blóðug forsaga – „Ég hef líklega kallað það yfir mig“
Fréttir
Fyrir 3 dögum

Hluthafar Icelandair samþykkja hlutafjárútboð

Hluthafar Icelandair samþykkja hlutafjárútboð