Ljóst þykir að COVID-19 faraldurinn er á niðurleið. Þrjátíu greindust smitaðir síðasta sólarhringinn en fjöldi sýna sem voru tekin var óvenjuhár eða um 2.000. Hlutfall jákvæðra niðurstaðna hjá veirufræðideildinni var óvenjulega lág eða 4,3% og sömu sögu er að segja um hlutfallið úr skimun Íslenskrar erfðagreiningar, sem hefur aldrei verið eins lágt, aðeins 1 af 1.200 greindist smitaður, eða 0,07%
„Faraldurinn er á niðurleið“ og „Við getum glaðst yfir þeirri stöðu sem við erum í núna“ var meðal þess sem Þórólfur Guðnason sóttvarnalæknir sagði á upplýsingafundi dagsins. Hann sló þó varnagla því hlutfallið gæti rokið upp aftur með stórum hópsýkingum.
Sjá nánar tölfræði um faraldurinn á covid.is.