Aðeins 24 greindust með kórónuveiruna á síðasta sólarhring. Þetta kemur fram á upplýsingafundi um COVID-19. Tekin voru um 1.100 sýni í gær. Tíu prósent sýna sem tekin voru á veirufræðideildinni voru jákvæð en hlutfallið þar var 0,1%. Samfélagslegt smit er því mjög lítið og hlutfall smitaðra er lægra en hefur verið.
Þórólfur Guðnason sóttvarnalæknir segir að of snemmt sé að álykta hvort við höfun náð toppi í faraldrinum eða ekki. Næstu dagar muni skera úr um það.
Hlutfall þeirra sem greindust í gær sem voru í sóttkví var 71% sem er mjög hátt.
Tæplega 600 manns hafa náð sér af sjúkdómnum. Þessa dagana eru þeir sem batnar mun fleiri en þeir sem smitast. Virk smit eru núna rúmlega eitt þúsund.