Kona um sextugt fannst látin í heimahúsi í Hafnarfirði í nótt, samkvæmt tilkynningu frá lögreglu. Tilkynning um málið barst um klukkan hálf tvö í nótt og fór lögregla þegar á vettvang en konan var látin þegar að var komið.
Tveir karlmenn, annar um þrítugt og hinn á sextugsaldri voru á heimilinu og voru báðir handteknir í þágu rannsóknarinnar. Rannsókn er á frumstigi en beinist m.a. að því hvort mennirnir hafi átt þátt í andláti konunnar.
Lögregla veitir ekki frekari upplýsingar að svo stöddu.