Víðir Reynisson, yfirlögregluþjónn hjá ríkislögreglustjóra, kvíðir páskunum þar sem fólk eigi það til að ferðast mikið á þeim tíma. Þetta kom fram á upplýsingafundi almannavarnarteymis ríkislögreglustjóra rétt í þessu. Hann segir að til skoðunnar hafi komið að banna sumarbústaðarferðir en þess í stað hafi verið ákveðið að biðla fremur til almennings í von um tillit og skilning. Ekki stendur til að herða samkomubann um páskana.
Víðir segir að á slíkum ferðalögum sé þrennt sem hann hefur áhyggjur af. Í fyrsta lagi sé fólk þá á ferðinni og í aukinni hættu á að lenda í slysum á vegum landsins, en slíkt setji álag á viðbragðsaðila og heilbrigðiskerfið sem eigi nóg með COVID-faraldurinn. Í öðru lagi sé fólk þá mikið að hópast saman í sumarbústaðabyggðum en á þeim svæðum sé heilbrigðisþjónusta af skornum skammti og eigi nóg með að anna þeim sem fasta búsetu eigi í byggðarlaginu. Í þriðja lagi sé það áhyggjuefni þegar fólk safnist saman að heiman að nýtt umhverfi fái það til að gleyma þeim góðum siðum sem þeir hafi nú tileinkað sér og gæti því ekki að fjarlægðarmörkum við aðra, faðmist, takist í hendur og þess háttar.
Hann hvetur landsmenn því til að ferðast innanhúss yfir páskanna frekar en innanlands.