Landlæknir hefur uppfært tilkynningu sína til ferðamanna vegna kórónuveirunnar. Mikilvægt er fyrir þá sem hafa dvalist á svæðum þar sem veiran er í gangi að fylgjast sérlega vel með heilsu sinni. Í tilkynningin er eftirfarandi, en í henni er m.a. að finna tengil á upplýsingar um áhættusvæðin:
„Hafir þú á sl. tveimur vikum dvalið á svæði þar sem COVID-19 sjúkdómur gengur er mikilvægt að þú fylgist sérstaklega með heilsu þinni. Veikist þú með hita, hósta og/eða öndunarörðugleika innan 14 daga eftir ferð frá því landi er þér ráðlagt að hafa samband við lækni.
Á dagvinnutíma (frá kl. 08:00–16:00) getur þú hringt í heilsugæsluna og fengið að tala við hjúkrunarfræðing en utan dagvinnutíma er hægt að hringja í síma Læknavaktarinnar 1700 og fá ráðleggingar hjá hjúkrunarfræðingi. Við alvarleg veikindi er bent á neyðarlínuna 112.
Lista yfir núverandi áhættusvæði er að finna á vef embættis landlæknis.
Ef þú hefur spurningar um þennan faraldur er þér bent á heimasíðu embættis landlæknis: www.landlaeknir.is og vef Alþjóðaheilbrigðismálastofnunarinnar.“