fbpx
Mánudagur 25.maí 2020
Fréttir

Fjögur hundruð hafa skráð sig í gagnagrunn utanríkisráðuneytisins vegna COVID-19

Kristján Kristjánsson
Fimmtudaginn 27. febrúar 2020 07:55

Íslendingar, sem staddir eru erlendis, vilja fylgjast vel með gangi mála.

Ekki missa af Helstu tíðindum dagsins í pósthólfið þitt

Lesa nánar

Á tæpum sólarhring skráðu um fjögur hundruð Íslendingar sig í gagnagrunn utanríkisráðuneytisins vegna COVID-19 veirunnar. Sveinn H. Guðmarsson, upplýsingafulltrúi ráðuneytisins, segir að viðtökurnar hafi komið á óvart.

Fréttablaðið skýrir frá þessu. Markmið gagnagrunnsins er að yfirvöld geti með skjótum hætti komið upplýsingum er varða veiruna til Íslendinga sem eru staddir erlendis.

„Það er ekki ætlunin að vera með daglegar uppfærslur á stöðu mála, heldur frekar að tilkynna fólki um mikilvægar breytingar á stöðu mála þar sem það er statt.“

Er haft eftir Sveini sem sagði að flestar skráningarnar hafi borist frá Tenerife og að auki hafa borist skráningar frá Danmörku, Taílandi og Rúanda svo nokkur lönd væru nefnd.

„Það er greinilegt að útbreiðsla veirunnar er ofarlega í huga þeirra sem staddir eru utan landsteinanna.“

Sóttvarnarlæknir hefur nú sent út viðvörun þar sem fólk er varað við ónauðsynlegum ferðum til Suður-Kóreu, Írans, Kína og fjögurra héraða á norðanverðri Ítalíu. Ekki er mælt gegn ferðum til Tenerife en fólk er hvatt til að sýna sérstaka varúð ef það fer þangað.

38 manns hafa verið rannsakaðir hér á landi vegna gruns um smit en enginn þeirra reyndist vera smitaður. Tíu Íslendingar eru í sóttkví á H10 Costa Adeje Palace hótelinu á Tenerife en þar hafa fjórir gestir greinst með smit og því er öllum gestunum haldið í einangrun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Í gær

Þegar ég var kynskiptingur í fangelsi fyrir að kúga ráðherra

Þegar ég var kynskiptingur í fangelsi fyrir að kúga ráðherra
Fréttir
Í gær

Telur líklegt að Icelandair geti samið við flugliða utan Flugfreyjufélags Íslands

Telur líklegt að Icelandair geti samið við flugliða utan Flugfreyjufélags Íslands
Fréttir
Í gær

Eldur logaði í bíl

Eldur logaði í bíl
Fréttir
Í gær

Forsetaframbjóðandi vildi borga fimm ár fyrirfram

Forsetaframbjóðandi vildi borga fimm ár fyrirfram
Fréttir
Fyrir 2 dögum

Aðeins einn greiddi atkvæði gegn samningi

Aðeins einn greiddi atkvæði gegn samningi
Fréttir
Fyrir 2 dögum

Ragnar hljóp á sig og viðurkennir mistök – „Það kom mér á óvart hversu langt þetta er komið“

Ragnar hljóp á sig og viðurkennir mistök – „Það kom mér á óvart hversu langt þetta er komið“
Fréttir
Fyrir 3 dögum

„Flugfreyjur fá aldrei laun frá bandaríska fjárfestinum sem þær sætta sig við“

„Flugfreyjur fá aldrei laun frá bandaríska fjárfestinum sem þær sætta sig við“
Fréttir
Fyrir 3 dögum

Auðveldara en áður að hækka verð og okra á viðskiptavinum

Auðveldara en áður að hækka verð og okra á viðskiptavinum