fbpx
Fimmtudagur 09.apríl 2020
Fréttir

Einar: Athyglisverð veðurspá næsta sólarhringinn – Skafbylur í höfuðborginni í kvöld

Ritstjórn DV
Fimmtudaginn 27. febrúar 2020 08:31

Ekki missa af Helstu tíðindum dagsins í pósthólfið þitt

Lesa nánar

Eins og höfuðborgarbúar hafa eflaust tekið eftir hefur snjóað talsvert á höfuðborgarsvæðinu í nótt. Einar Sveinbjörnsson, veðurfræðingur sem heldur úti vefnum Blika.is, segir að þessi úrkomubakki hafi komið aftan að okkur.

„Leit út fyrir að skila einkum úr sér í Ölfusi og austur með Reykjanesi.  En svona er þetta oft í kalda loftinu  á útmánuðum, smálægðir og snjókomubakkar spretta upp eins og gorkúlur,“ segir Einar í frétt á vefnum í morgun.

Hann segir að spáin næstu 24 tímana sé allrar athygli verð. Hann birtir tunglmynd Veðurstofunnar frá því klukkan sjö í morgun og segir að úrkomubakkarnir séu tveir. „Annar göndull kemur í kjölfarið sýnist manni og þá með snjó trúlega eftir hádegi,“ segir hann og bætir við að það hvessi auk þess sem snjórinn er þurr og léttur. „Skafbylur verður líklega á leiðinni austur yfir fjall frá miðjum degi og á Höfuðborgarsvæðinu og Suðurnesjum nægur vindur í talsverðan skafbyl í kvöld.“

Gul viðvörun er í gildi á höfuðborgarsvæðinu, Suðurlandi, Faxaflóa, Suðausturlandi og Miðhálendi. Á höfuðborgarsvæðinu er spáin í gildi til klukkan fjögur næstu nótt. „Austan 13-20 m/s, með vindhviður allt að 30 m/s í efri byggðum, á Seltjarnarnesi og við norðurströndina. Snjókoma eða skafrenning og á köflum lítið skyggni. Ökumenn fari varlega,“ segir í viðvöruninni.

Í hugleiðingum veðurfræðings á vef Veðurstofunnar segir að rysjótt veður verði næstu tvo sólarhringa. „Víða allhvöss eða hvöss austanátt, stormur eða rok syðst í dag og á Suðaustlandi á morgun. Snjókoma með köflum eða skafrenningur á sunnanverðu landinu í dag, en úrkomulítið fyrir norðan. Snjókoma eða slydda á austanverðu landinu á morgun og fer að rigna við ströndina um kvöldið, en annars dálítil él og dregur úr frosti. Á laugardag lægir loks og rofar víða til, en áfram slydda eða rigning með austurströndinni og hríð á Vestfjörðum. Gular veðurviðvaranir eru í gildi og því um að gera að fylgjast vel með veðurspám og færð áður lagt er af stað í ferðalög.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Banaslys í miðbænum

Ekki missa af

Fréttir
Fyrir 21 klukkutímum
Banaslys í miðbænum
Fréttir
Í gær

Haukur minnist Kjartans – „Það fór ekki framhjá neinum þegar hann mætti“

Haukur minnist Kjartans – „Það fór ekki framhjá neinum þegar hann mætti“
Fréttir
Í gær

Vilhjálmur læknir varar við – „Síminn er stundum þriðja óhreina höndin þín“

Vilhjálmur læknir varar við – „Síminn er stundum þriðja óhreina höndin þín“
Fréttir
Fyrir 2 dögum

Úrskurðaður í gæsluvarðhald vegna gruns um manndráp

Úrskurðaður í gæsluvarðhald vegna gruns um manndráp
Fréttir
Fyrir 2 dögum

Tengja aukið heimilisofbeldi vegna COVID-19 við dauðsföll tveggja kvenna

Tengja aukið heimilisofbeldi vegna COVID-19 við dauðsföll tveggja kvenna
Fréttir
Fyrir 2 dögum

Lífeindafræðingur komst ekki til að taka sýni út af ferðagleði landsmanna – „Erum við í alvöru svona sjálfhverf?“

Lífeindafræðingur komst ekki til að taka sýni út af ferðagleði landsmanna – „Erum við í alvöru svona sjálfhverf?“
Fréttir
Fyrir 2 dögum

Þetta er myndbandið sem Þórólfur vill að þú horfir á

Þetta er myndbandið sem Þórólfur vill að þú horfir á
Fréttir
Fyrir 2 dögum

Margir minnast Gissurar: „Mikill meistari er fallinn frá“

Margir minnast Gissurar: „Mikill meistari er fallinn frá“
Fréttir
Fyrir 2 dögum

Andlát vegna COVID-19 í Bolungarvík

Andlát vegna COVID-19 í Bolungarvík