Tvö tilfelli COVET-19 kórónaveirunnar hafa nú komið upp á H10 Costa Adeje Palace-hótelinu á Tenerife. Hótelið var sem kunnugt er sett í sóttkví í fyrrakvöld eftir að ítalskur læknir greindist með veiruna. Sá hafði dvalið á hótelinu í nokkra daga ásamt eiginkonu sinni.
Í frétt breska blaðsins Telegraph kemur fram að eiginkona ítalska læknisins hafi greinst með veiruna í gær. Þá greindu yfirvöld á Tenerife frá því að tveir ferðafélagar hjónanna hafi nú greinst með veiruna. Sjö Íslendingar eru á meðal hátt í þúsund gesta á umræddu hóteli.
Á síðustu 36 tímum hafa átta tilfelli COVET-19 verið staðfest á Spáni. Fjögur tilfelli komu upp á Tenerife, tvö í Madrid, eitt í Barcelona og eitt í Castellón. Öll smitin eru meðal einstaklinga sem dvalið hafa á Ítalíu.