fbpx
Laugardagur 04.apríl 2020
Fréttir

Raggi Bjarna er látinn

Hjálmar Friðriksson og Einar Þór Sigurðsson
Miðvikudaginn 26. febrúar 2020 11:38

Ekki missa af Helstu tíðindum dagsins í pósthólfið þitt

Lesa nánar

Ragnar Bjarnason, einn ástsælasti dægurlagasöngvari þjóðarinnar, er látinn. Hann var 85 ára. Óhætt er að segja að Ragnar hafi verið einn þekktasti og vinsælasti tónlistarmaður landsins. Hann var sæmdur fálkaorðunni árið 2005 og hlaut heiðurslaun listamanna í fyrra. Ragnar lést á líknardeildinni í Kópavogi í gærkvöldi eftir skammvinn veikindi.

Raggi, líkt og hann var ávallt kallaður, fæddist í Reykjavík þann 22. september árið 1934. Raggi hóf feril sinn í tónlist sem trommuleikari en fyrsta platan þar sem mátti heyra söng hans var á plötum Tónika sem komu út árið 1954.

Raggi hélt kveðjutónleika í fyrra og þar var ferli hans lýst svo: „Raggi hefur staðið í framvarðarsveit íslenskrar tónlistar síðustu 70 ár en hann var aðeins 15 ára þegar hann settist við trommusettið í hljómsveit föður síns, Bjarna Böðvarssonar. Ekki leið á löngu þar til hann hóf að syngja með hljómsveitinni og síðan hefur Ragnar ekki slegið slöku við. Hann hefur flutt vinsælustu lög þjóðarinnar á hverjum áratug ferils síns svo það má með sanni segja að stór partur af íslensku tónlistarlífi hafi verið á hans herðum í gegnum tíðina.“

Í viðtali við DV árið 2014 fór Raggi um víðan völl. Hann greindi til að mynda frá því að hann hefði hafnað heimsfrægð á sínum tíma. „Einu sinni var mér boðið að koma í þátt Johnny Carson, en ég nennti ekki að standa í svoleiðis veseni. Ég er ekki með neina heimsfrægðardellu í mér. Ég vona auðvitað að öllum þeim sem þrá slíka frægð gangi vel, en menn verða að passa sig á því að frægðin geri þá ekki vitlausa, það er svo auðvelt að gera mistök í þessum bransa og menn verða að hafa reynda menn sér við hlið. Það sem skiptir mig máli er fólkið mitt; fjölskyldan, vinirnir, samstarfsfólkið og Ísland. Ég myndi ekki skipta á þeim fyrir heimsfrægð og auð,“ sagði Raggi þá.

Í því sama viðtali stóð ekki á svörum þegar hann var spurður um hvað hann væri stoltastur af. „Ég er stoltastur af börnunum mínum og barnabörnum, vinum mínum og fjölskyldu. Og Íslendingum. Ég er stoltur af því að vera hluti af þessari þjóð. Íslendingar eru framtakssamir og þeir eru duglegir, alveg óhræddir við að opna sig.“

Raggi lætur eftir sig eiginkonu, Helle Birthe Bjarnason, og þrjú börn: Bjarna Ómar Ragnarsson, Kristjönu Ragnarsdóttur og Henry Lárus Ragnarsson. Þá lætur hann eftir sig ellefu barnabörn. DV sendir ættingjum og vinum Ragnars innilegar samúðarkeðjur.

Hér fyrir neðan má hlusta á sum frægustu laga hans

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Margrét Gnarr sýnir hvernig er hægt að æfa með ferðatösku

Margrét Gnarr sýnir hvernig er hægt að æfa með ferðatösku
Fréttir
Í gær

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“

Kolbrún segir að Áslaug hafi sýnt dómgreindarleysi: „Athugasemd hennar um að einmitt nú sé þörf á netverslun með áfengi lýsir léttúð“
Fréttir
Fyrir 3 dögum

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring

Ískyggilegt ástand hjá hjúkrunarfræðingum í COVID-faraldrinum – Sumir sofa aðeins tvo tíma á sólarhring
Fréttir
Fyrir 3 dögum

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“

Víðir kvíðir páskunum með tilheyrandi ferðalögum„Áhyggjuefni ef fólk fer að hópast mikið saman“