fbpx
Þriðjudagur 07.apríl 2020
Fréttir

Þórarinn segir íbúa kolbrjálaða út í Dag: „Ég veit svo sem til þess að við heimili þitt að Óðinsgötu ert þú með einkastæði“

Ritstjórn DV
Laugardaginn 22. febrúar 2020 16:00

Dagur B. Eggertsson, borgarstjóri

Ekki missa af Helstu tíðindum dagsins í pósthólfið þitt

Lesa nánar

Þórarinn Stefánsson, íbúi við Laugaveginn, segir Degi B. Eggertssyni til syndanna í pistli sem birtist í Morgunblaðinu í dag. Hann segir það geti jafnvel tekið hann tvo tíma að finna stæði þegar hann kemur heim úr vinnu. Ég skýtur sérstaklega á Dag fyrir að vera sjálfur með einkabílastæði við heimili sitt.

Ég hef verið íbúi við Laugaveginn í tuttugu ár. Nú er svo komið að ég get vart orða bundist mikið lengur. Þess vegna rita ég þetta opna bréf til þín Dagur B. Eggertsson, borgarstjóri í Reykjavík. Það er nefnilega svo Dagur, að ég hef fengið nóg og er virkilega óttasleginn fyrir hönd míns nærumhverfis. Til að útskýra aðeins aðstæður mínar, þá er ég einhleypur karlmaður, og kominn til ára minna. Ég bý á yndislegum stað fyrir miðju Laugavegar. Ég er enn sem komið er á vinnumarkaði og sé ekki fyrir mér að hætta svo fremi sem guð gefur mér það að vakna á morgnana. Ég kem heim úr vinnu flesta daga milli fimm og sex en ég er farinn af stað klukkan fimm á morgnana,“ segir Þórarinn.

Tekur langan tíma að komast heim

Þórarinn segir það oft taka sig marga tíma að komast heim til sín eftir vinnu. „Þegar ég legg af stað úr vinnu ek ég rakleiðis heim, sem tekur mig langan tíma enda berð þú ábyrgð á, herra borgarstjóri, einni verstu umferðarstjórnun sögunnar í borginni minni, Reykjavík. Það tekur u.þ.b. klukkustund að komast heim frá vinnu. Og ekki er hægt að skrifa neinn annan en þig fyrir þeirri staðreynd. Eftir að heim er komið á ég eftir að finna stæði en ég er einn af þeim heppnu sem eru með svokallað íbúakort, sem veitir réttindi til að leggja án þess að borga í stöðumæli. Hins vegar tekur það mig mjög langan tíma að finna stæði en það hefur lengst tekið mig tvær klukkustundir. Þetta er ekki boðlegt, herra borgarstjóri og nágranni,“ lýsir hann.

Þórarinn bendir á að sjálfur er Dagur með einkastæði. „Ég veit svo sem til þess að við heimili þitt að Óðinsgötu, þar sem nú víkja bílastæði fyrir fallegu torgi, svokölluðu Óðinstorgi, ert þú með einkastæði enda legg ég mína leið stundum að veitingastaðnum Snaps við Óðinsgötu. Kannski þykir þér ekkert tiltökumál, hr. borgarstjóri, að eyða þrjú hundruð milljónum af skattfé borgaranna til að ryðja burtu stæðum fyrir aðra íbúa en sjálfan þig og hrekja um leið rekstraraðila frá svæðinu til þess eins að fegra umhverfið í kringum híbýli þitt. Fasteignaverð fasteignar þinnar hlýtur að hækka mikið við þessa framkvæmd, enda ert þú sjálfur með einkabílastæði, sem verður enn verðmætara við fækkun bílastæða í kringum húsið þitt,“ segir hann.

Stefnir á undirskriftasöfnun íbúa

Þórarinn segir marga kaupmenn æfa en það séu jafnframt íbúar: „Ég hef rætt við íbúa á svæðinu sem eru alveg kolbrjálaðir yfir framgöngu þinni. Þessir íbúar eru að íhuga að setja af stað undirskriftasöfnun til stuðnings kaupmönnunum á Laugavegi, enda eru þeir í sömu sporum og ég. Að lokum vil ég benda þér á að þetta mun á endanum lækka fasteignaverð okkar íbúana við Laugaveg og því skora ég á þig að endurskoða þessa ákvörðun þína. Það er skylda þín að hugsa um velferð allra borgarbúa sem borgarstjóri í Reykjavík.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sakfelldur fyrir heimilisofbeldi – Réðst á ófríska sambýliskonu – Ógnaði fólki með hnífi og glerbrotum

Sakfelldur fyrir heimilisofbeldi – Réðst á ófríska sambýliskonu – Ógnaði fólki með hnífi og glerbrotum
Fréttir
Í gær

Sterkur grunur á að andlát konunnar í Sandgerði hafi borið að með saknæmum hætti

Sterkur grunur á að andlát konunnar í Sandgerði hafi borið að með saknæmum hætti
Fréttir
Í gær

Kona fannst látin í Hafnarfirði – Tveir handteknir vegna málsins

Kona fannst látin í Hafnarfirði – Tveir handteknir vegna málsins
Fréttir
Í gær

Fimmta dauðsfallið vegna COVID-19: „Ég syrgi í dag vin minn“

Fimmta dauðsfallið vegna COVID-19: „Ég syrgi í dag vin minn“
Fréttir
Fyrir 2 dögum

Sólveig lýsir grafalvarlegum aðstæðum gamals fólks á COVID tímum – „Berjast fyrir sérstöku brandaraálagi“

Sólveig lýsir grafalvarlegum aðstæðum gamals fólks á COVID tímum – „Berjast fyrir sérstöku brandaraálagi“
Fréttir
Fyrir 2 dögum

Gripinn glóðvolgur eftir innbrot á Granda

Gripinn glóðvolgur eftir innbrot á Granda
Fréttir
Fyrir 3 dögum

Efling afturkallar úthlutanir orlofshúsa í apríl

Efling afturkallar úthlutanir orlofshúsa í apríl