Stórleikarinn Chris Pratt segist hafa fundið lík af elskendum á Íslandi, fólki sem líklega hafi fallið niður sprungu á árunum 1930 til 1940. Fréttablaðið greinir frá þessu en Chris lét þessi orð falla í viðtalsþætti Ellen Degeneres. Líkfundurinn á að hafa átt sér stað á Skálafellsjökli í fyrra er Pratt var þar staddur við kvikmyndatökur.
Fréttablaðið hafið samband við lögregluna á Suðurlandi og bar undir hana þessa sögu. Þar kannast menn ekki við málið:
„Mér er ekki kunnugt um þetta. Þetta hefði ekki farið fram hjá okkur ef einhver hefði fundið lík og tilkynnt um það. Það hlýtur að vera að slá saman einhvers staðar,“ segir Jón Garðar Bjarnason, lögreglumaður á Höfn í Hornafirði, í samtali við Fréttablaðið.