Vesturlandsvegur er lokaður um Kjalarnes í báðar áttir vegna umferðarslyss. Á svæðinu er mjög slæmt veður, blint og mjög hvasst. Lokað er fyrir umferð frá Hvalfjarðargöngunum og að hringtorgi við Víðinesveg. Lokunin gæti varað í þó nokkurn tíma meðan viðbragsaðilar eru við vinnu á vettvangi, að því er fram kemur í tilkynningu frá Lögreglunni á höfuðborgarsvæðinu.
Uppfært kl. 19:12 Lögreglan á höfuðborgarsvæðinu hefur opnað aftur fyrir umferð um Vesturlandsveg við Kjalarnes. Enn er mjög vont veður á þessum slóðum.