fbpx
Fimmtudagur 09.apríl 2020
Fréttir

Shanghai tapaði málinu gegn RÚV sem mátti greina frá því að grunur væri um vinnumansal á staðnum

Ágúst Borgþór Sverrisson
Miðvikudaginn 19. febrúar 2020 16:47

Ekki missa af Helstu tíðindum dagsins í pósthólfið þitt

Lesa nánar

Í fyrrdag var kveðinn upp í Héraðsdómi Reykjavíkur dómur í meiðyrðamáli eiganda veitingastaðarins Shanghai á Akureyri gegn Ríkisútvarpinu vegna fréttaflutnings um staðinn sumarið 2017. Í fréttinni var greint frá því að eigandi Shanghai á Akureyri væri grunaður um mansal, grunur væri um að mánaðarlaun starfsfólks á staðnum væru 30.000 krónur og að fólkið lifði á matarafgöngum á staðnum. Sagt var að verkalýðsfélagið Eining-Iðja væri með málið til skoðunar og fulltrúar þess hefðu rætt við starfsfólk veitingastaðarins.

Eigandi Shanghai krafðist 3 milljóna króna í miskabætur og um 12 hundruð þúsunda króna til kostunar á birtingu dóms í fjölmiðlum. Þá var krafist greiðslu málskostnaðar.

Aldrei hefur sannast vinnumansal á eiganda Shanghai, Rositu Yufan Zhang, og hefur hún aldrei verið ákærð fyrir slíkt brot, hvað þá sakfelld. RÚV hafði heimildar sínar um að grunsemdir væru um vinnumansal á staðnum meðal annars frá forsvarsmönnum verkalýðsfélagsins Einingar-Iðju sem fóru í eftirlitsferð á staðinn. Ennfremur hafði lögregla afskipti af staðnum. RÚV staðhæfði aldrei að eigandinn væri sekur um vinnumansal eða hefði verið ákærður fyrir vinnumansal heldur að grunsemdir væru um slíkt. Sá fréttaflutningur byggðist á traustum heimildum, að mati dómsins.

Í dómi héraðsdóms er kveðið á um ríkt frelsi fjölmiðla til að greina frá málum sem eiga erindi í þjóðfélagsumræðuna. Grunur viðurkenndra eftirlitsaðila á borð við lögreglu og verkalýðsfélaga um vinnumansal séu upplýsingar sem eigi erindi til almennings og réttur fjölmiðla til að greina frá þeim sé ríkur.

RÚV var sýknað af kröfu eiganda Shanghai og eigandinn var jafnframt dæmdur til greiðslu málskotnaðar.

Dóminn, sem er langur og ítarlegur, má lesa í heild hér.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Faraldurinn er á niðurleið – „Getum glaðst yfir þeirri stöðu sem við erum í“

Faraldurinn er á niðurleið – „Getum glaðst yfir þeirri stöðu sem við erum í“
Fréttir
Í gær

Sex á einu heimili í Seljahverfi með COVID-19

Sex á einu heimili í Seljahverfi með COVID-19
Fréttir
Í gær

Sparkaði í bifreiðar í miðborginni – Átti að vera í sóttkví og því kærður fyrir brot á sóttvarnarlögum

Sparkaði í bifreiðar í miðborginni – Átti að vera í sóttkví og því kærður fyrir brot á sóttvarnarlögum
Fréttir
Í gær

Sjómennirnir sem skáru sporðinn af hákarli ljóstra upp leyndarmáli Matvælastofnunar

Sjómennirnir sem skáru sporðinn af hákarli ljóstra upp leyndarmáli Matvælastofnunar
Fréttir
Fyrir 2 dögum

Úrskurðaður í gæsluvarðhald vegna gruns um manndráp

Úrskurðaður í gæsluvarðhald vegna gruns um manndráp
Fréttir
Fyrir 2 dögum

Tengja aukið heimilisofbeldi vegna COVID-19 við dauðsföll tveggja kvenna

Tengja aukið heimilisofbeldi vegna COVID-19 við dauðsföll tveggja kvenna