Þar sem ekki eru nema tveir mánuðir í páskana er tímabært að bursta rykið af sínum bestu málsháttum, enda eru þeir órjúfanlegur hluti páskanna. Allavega að mati blaðamanns. Til að hjálpa til við upprifjun fengum við nokkra góða landsmenn til að deila með okkur sínum uppáhaldsmálshætti.
„Ég er náttúrlega málsháttadrotting Íslands – mikið búið að gera grín að mér þegar ég gríp í málshætti og fer rangt með þá.
Ég ætla því að leggja hér inn besta, umbreytta málsháttinn minn sem uppáhaldið mitt: „Það geta ekki allir kastað grjóti úr steinhúsi“ – Vigdís Hauksdóttir