fbpx
Sunnudagur 16.febrúar 2020
Fréttir

Nýjar vísbendingar í máli Jóns Þrastar – Leitað að ákveðnum einstaklingi

Kristján Kristjánsson
Fimmtudaginn 13. febrúar 2020 07:30

Jón Þröstur.

Ekki missa af Helstu tíðindum dagsins í pósthólfið þitt

Lesa nánar

Einkaspæjari, sem unnusta og systir Jóns Þrastar Jónssonar réðu til að rannsaka dularfullt hvarf hans í Dublin á Írlandi fyrir rúmlega ári, hefur fengið nýjar upplýsingar í málinu. Hann leitar nú að ákveðnum einstaklingi sem hann telur geta búið yfir vitneskju í málinu.

Fréttablaðið skýrir frá þessu í dag. Fram kemur að einkaspæjarinn, Liam Brady, telji líklegt að viðkomandi einstaklingur sé vistaður í fangelsi í ákveðnu Evrópuríki. Brady staðfesti í samtali við Fréttablaðið að hann og samstarfsmaður hans séu nú að leita að ákveðnum einstaklingi. Brady sagðist telja að viðkomandi geti hugsanlega veitt mikilvægar upplýsingar um hvarf Jóns.

Írska dagblaðið Independent fjallaði um málið á þriðjudaginn og skýrði frá þessum nýju upplýsingum.

„Við erum að vinna með upplýsingar núna sem benda til þess að það sé ákveðinn aðili sem hafi vitneskju um málið.“

Hefur Fréttablaðið eftir Brady. Hann er sagður hafa starfað sem einkaspæjari síðan 1976 og hafi áður rannsakað mannshvörf.

Fjölskylda Jóns Þrastar hefur leitað hans í um eitt ár.

Einnig er haft eftir Brady að hann telji að það geti tekið allt að sex vikur að fá viðtal við fyrrgreindan einstakling. Hann vildi ekki segja í hvaða Evrópuríki hann sé.

„Ég tel góðar líkur á að þessi einstaklingur vilji tala við mig, en get ekki útilokað að hann vilji það ekki.“

Sagði hann og bætti við að mjög líklega hafa fleiri vitneskju um hvarf Jóns Þrastar.

„Írland er ekki stórt land.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Segir væntanlega nýbyggingu Landsbankans vera bruðl sem eigi eftir að reynast þjóðinni dýrkeypt

Segir væntanlega nýbyggingu Landsbankans vera bruðl sem eigi eftir að reynast þjóðinni dýrkeypt
Fréttir
Í gær

Mikil ólga í Kirkjubæjarskóla og óánægja með skólastjóra – „Fljótlega eftir að hún varð skólastjóri fór að síga á ógæfuhliðina“

Mikil ólga í Kirkjubæjarskóla og óánægja með skólastjóra – „Fljótlega eftir að hún varð skólastjóri fór að síga á ógæfuhliðina“
Fréttir
Í gær

Spurning vikunnar: Hver er uppáhaldsmálshátturinn þinn?

Spurning vikunnar: Hver er uppáhaldsmálshátturinn þinn?
Fréttir
Í gær

Íslenskur björgunarsveitarmaður liggur þungt haldinn á spítala í Grikklandi

Íslenskur björgunarsveitarmaður liggur þungt haldinn á spítala í Grikklandi
Fréttir
Fyrir 2 dögum

Dýpsta lægð sögunnar nálgast Ísland – Gæti slegið heimsmet

Dýpsta lægð sögunnar nálgast Ísland – Gæti slegið heimsmet
Fréttir
Fyrir 2 dögum

Rafmagnslína féll á bíl á Hvolsvelli – Rafmagnslaust víða

Rafmagnslína féll á bíl á Hvolsvelli – Rafmagnslaust víða
Fréttir
Fyrir 2 dögum

Svona hefur þú líklega aldrei séð Sæbrautina á virkum degi

Svona hefur þú líklega aldrei séð Sæbrautina á virkum degi