Fimmtudagur 20.febrúar 2020
Fréttir

Eitt furðulegasta innbrot Íslandssögunnar? – Undarlegur ferill síbrotamanns í Reykjavík

Ágúst Borgþór Sverrisson
Miðvikudaginn 12. febrúar 2020 12:37

Ekki missa af Helstu tíðindum dagsins í pósthólfið þitt

Lesa nánar

Maður var dæmdur fyrir samtals 16 afbrot í Héraðsdómi Reykjavíkur á þriðjudag, sum þeirra furðuleg. Þó að maðurinn hafi þar með orðið síbrotamaður á stuttum tíma hafði hann þó ekki gerst brotlegur við lög áður en afbrotahrinan hófst síðasta sumar. Maðurinn er erlendur en hefur búið hér á landi síðan árið 2015. Maðurinn játaði öll afbrotin og var dæmdur sekur fyrir þau en þó sýkn saka, telst hann ósakhæfur vegna geðsjúkdóms en hann hefur verið greindur með geðklofa.

Brotin eru mörg smávægileg, til dæmis stuldur á smokkapakka. Eitt sérkennilegasta afbrot mannsins er tilraun til innbrots í lögreglustöðina við Hverfisgötu. Gerðist það í lok ágústmánaðar árið 2019. Spennti hann upp glugga á austurhlið lögreglustöðvarinnar en hann var stöðvaður af lögreglu og handtekinn þegar hann var að fara inn um gluggann.

Í byrjun ágúst í fyrra rispaði maðurinn skilti í eigu rússneska sendiráðsins við Garðastræti í Reykjavík.

Í júní síðasta sumar stal hann jakka að verðmæti um 36.000 krónur úr verslun Fjallakofans að Laugavegi í Reykjavík.

Um miðjan ágúst stal hann kjöthitamæli úr bensínstöð N1 við Hringbraut í Reykjavík, berjaþeytingi, hönskum og smokkapakka.

Maðurinn stal dýrum snjallsíma úr Elko í Skeifunni þann 22. ágúst en síminn var í eigu starfsmanns verslunarinnar. Þá stal hann rándýru reiðhjóli, að verðmæti tæplega 300.000 krónur úr versluninni Tri við Suðurlandsbraut.

Ýmisleg fleiri þjófnaðarbrot og síðan nokkur smávægileg fíkniefnabrot er að finna á löngum afbrotalista mannsins sem nær þó yfir örstutt tímabil en flest afbrotin voru framin í ágúst á síðasta ári. Sem fyrr segir var maðurinn úrskurðaður óskahæfur og því sýkn saka.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 16 klukkutímum

Kínverjar færðu Melrakkasetrinu stóra peningagjöf – Enginn vill skipta peningunum

Kínverjar færðu Melrakkasetrinu stóra peningagjöf – Enginn vill skipta peningunum
Fréttir
Í gær

Umferðarslys á Kjalarnesi

Umferðarslys á Kjalarnesi
Fréttir
Í gær

Piltar báðust afsökunar eftir að hafa kastað flugeldi inn um bréfalúgu á Suðurnesjum

Piltar báðust afsökunar eftir að hafa kastað flugeldi inn um bréfalúgu á Suðurnesjum
Fréttir
Í gær

Tveir strákar réðust á ungan mann í Kópavogi

Tveir strákar réðust á ungan mann í Kópavogi
Fréttir
Fyrir 2 dögum

Eftirför í miðborginni

Eftirför í miðborginni
Fréttir
Fyrir 2 dögum

Árna algjörlega misboðið: Segir hverfið ítrekað talað niður – „Hér hefur verið gott að búa“

Árna algjörlega misboðið: Segir hverfið ítrekað talað niður – „Hér hefur verið gott að búa“