Flugstjóri farþegaþotu á vegum breska flugfélagsins EasyJet þurfti að snúa þotu við sem var á leið til Íslands í fyrra. Flugvélin millilenti í Edinborg vegna óláta í farþega í janúar. The Digital Wise fjallar um málið þar sem maðurinn á yfir höfði sér fangelsi en hann hefur játað brot sín fyrir dómi.
DV fjallaði um málið á sínum tíma „Hann gekk upp og niður ganginn og reykti rafrettu. Svo öskraði hann á farþega fyrir framan hann. Ég sagði honum að hætta að láta eins og kjáni en þá hótaði hann mér,“ sagði farþegi sem var í fluginu. Flugdólgurinn var augljósa undir áhrifum áfengis, að sögn sjónvarvotta.
Farþeginn sagði þá að starfsfólk hafi verið skelkað og flugstjórinn ákveðið að lenda vélinni áður en lengra yrði haldið. „Starfsfólki leið augljóslega illa svo vélinni var lent. Það var mjög fagmannlega að þessu öllu staðið,“ segir farþeginn sem varð vitni að uppákomunni.
The Digital Wise greinir frá nafni mannsins en hann heitir Matthew Flaherty. Á sínum tíma var talað um að Matthew hafi brotið símann sinn í tvennt en samkvæmt frétt The Digital Wise þá setti Matthew parta af símanum upp í sig og borðaði þá. Þá segir að batteríið í símanum hafi fallið í sætið, hitnað og byrjað að brenna.
Þegar vélin lenti var Mattthew tekinn af lögreglumönnum niður á lögreglustöð en þar er hann einnig sakaður um kynþáttaníð gagnvart lögreglumanni. Matthew fór fyrir dómara í Edinborg í gær og verður dómur kveðinn upp í næsta mánuði.