Ökumaður vélsleða sem fór frá heimili sínu í V-Skaftafellssýslu þann 8. febrúar slasaðist við að aka í lækjarfarveg á leið hans. Hann var skoðaður á heilbrigðisstofnun en útskrifaður þaðan samdægurs tannbrotinn og með áverka á andliti.
Þetta kemur fram í tilkynningu frá Lögreglunni á Suðurlandi þar sem farið er yfir verkefni liðinnar viku. Átta umferðarslys voru tilkynnt til lögreglunnar í umdæminu í vikunni, fjögur voru hálkuslys en í einu tilviki féll maður af hesti. Var hann fluttur á sjúkrahús.