fbpx
Miðvikudagur 20.janúar 2021
Fréttir

Brjálaður maður sveiflaði hrífuskafti í samkvæmi á Selfossi – Sakfelldur fyrir líkamsárás, eignaspjöll og hótanir

Erla Dóra Magnúsdóttir
Föstudaginn 4. desember 2020 21:13

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Landsréttur staðfesti í dag sex mánaða skilorðsbundinn fangelsisdóm yfir karlmanni á fertugsaldri sem trylltist í samkvæmi á Selfossi árið 2017.

Maðurinn hafði mætt óboðinn í samkvæmi á Selfossi eftir að hafa farið á uppistand með unnustu sinni á Hótel Selfossi. Eftir uppistandið varð hann viðskila við unnustuna og endaði í umræddu samkvæmi.

Eftir smá stund ákvað húsráðandi að nú væri tími til að skella sér á skemmtistaðinn Frón, en ákærði kærði sig ekki um það og neitaði að yfirgefa samkvæmið, enda þótti honum samkvæmið skemmtilegt og miðað við framburð vitna fyrir dómi var maðurinn líkast til bannaður á Frónni.

Í kjölfarið var maðurinn gripinn mikilli bræði. Hrinti hann konu á gluggakistu, dró hana utan dyra og gekk þar í skrokk á henni. Reyndu aðrir gestir að stilla til friðar, en án árangurs.

Var ákærði þarna orðinn verulega æstur. Hann féll aftur fyrir sig og varð svo fyrir sólstól sem einn gestur henti í hann til að koma í veg fyrir að hann kæmist aftur inn í húsið.

Við þetta varð ákærði enn æstari og greip hrífu, braut hana og sveiflaði í kringum sig með þeim afleiðingum að hann handleggsbraut aðra konu sem stóð þar hjá.

Eftir að lögreglu bar að garði sendi hann svo konunni sem hann réðst fyrst á ógnandi skilaboð.

Ákærði neitaði sök að öllu leyti nema einu. Hann viðurkenndi að hafa brotið hrífuna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lést í reiðhjólaslysi í Breiðholti

Lést í reiðhjólaslysi í Breiðholti
Fréttir
Í gær

Loftur lager kemur út á dánarafmæli Lofts Gunnarssonar

Loftur lager kemur út á dánarafmæli Lofts Gunnarssonar