Bólusetning á Íslandi gegn COVID-19 með bóluefni frá BioNTech og Pfizer á að geta hafist strax í ársbyrjun. Þetta kemur fram í frétt á vef RÚV.
Talið er að sérfræðinganefnd Lyfjastofnunar Evrópu ljúki mati sínu á bóluefninu þann 29. desember, nokkrum dögum síðar gefi framkvæmdastjórn ESB út leyfi fyrir notkun á lyfjunum og fljótlega eftir það kæmu fyrstu skammtarnir með flugi til Íslands.
Rúna Hauksdóttir, forstjóri Lyfjastofnunar, segir við RÚV að þegar öll leyfi eru komin ætti ekkert að vera því til fyrirsgöðu að flytja bóluefni til landsins og hefja bólusetningu.
Ekki liggur fyrir hvað marga skammta af bóluefni Ísland fær í fyrstu sendingu. Distica sem sér um dreifingu bóluefnis Pfizer hér á landi. Samkvæmt talsmanni fyrirtækisins snýst flutningurinn bara um flug til landsins og Distica verður tilbúið að dreifa efninu þegar þar að kemur.
