Akstur tveggja ökumanna, sem höfðu verið sviptir ökuréttindum, var stöðvaður síðdegis í gær. Þrír ökumenn voru kærðir fyrir of hraðan akstur í gærkvöldi.
Afskipti voru höfð af tveimur aðilum í gærkvöldi sem eru grunaðir um eignaspjöll. Þeir fóru ferða sinna eftir viðræður við lögregluna.
Maður var handtekinn í íbúðarhúsi í miðborginni en hann var í annarlegu ástandi og var því fluttur í fangageymslu.
Tilkynnt var um þjófnað úr verslun í Garðabæ og í Árbæjarhverfi í gærkvöldi.