Fjögur innanlandssmit greindust í gær. Allir voru þeir í sóttkví við greiningu. Þá greindust þrír á landamærunum og er beðið eftir niðurstöðum úr mótefnamælingum.
Er þetta annar dagurinn í röð sem allir sem greindust með Covid-19 voru í sóttkví, sem hlýtur að teljast góðar fréttir.
366 eru nú í sóttkví, 144 í einangrun með virk Covid-19 smit og 33 á sjúkrahúsi. Af þeim sem eru á sjúkrahúsi eru þrír á gjörgæslu.
Upplýsingafundur almannavarna hefst nú klukkan ellefu.