Á sjöunda tímanum í gær var tilkynnt um þjófnað á bók úr verslun í Breiðholti. Þegar öryggisvörður hafði afskipti af þjófnum brást hann illa við og réðst á öryggisvörðinn og veitti honum áverka. Maðurinn var handtekinn, grunaður um þjófnað, líkamsárás og hótanir. Hann var vistaður í fangageymslu.

Sex ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Þrír þeirra voru staðnir að akstri, ítrekuðum, sviptir ökuréttindum og þessara þriggja er einnig grunaður um of hraðan akstur og að hafa ekki sinnt fyrirmælum lögreglu auk þess að vera með meint fíkniefni í vörslu sinni. Tveir af þessum ökumönnum lentu í umferðaróhöppum áður en lögreglan hafði afskipti af þeim.

Akstur eins ökumanns var stöðvaður síðdegis í gær og reyndist hann vera sviptur ökuréttindum. Hann hafði neytt áfengis en magn áfengis mældist undir refsimörkum. Hann var með unga dóttur sína með í för og var þeim ekið heim og barnsfaðir ökumanns fékk bíllyklana afhenta. Tilkynning var send til félagsmálayfirvalda um málið.

Brotist var inn í fyrirtæki í Hafnarfirði í nótt. Þar var kveikjuláslyklum bifreiða stolið.

Í Grafarvogi hafði lögreglan afskipti af manni sem er grunaður um framleiðslu fíkniefna en kannabisplöntur fundust hjá honum.

Ungur maður var handtekinn í Kópavogi í nótt, grunaður um líkamsárás. Hann var vistaður í fangageymslu. Annar ungur maður var handtekinn í Kópavogi á svipuðum tíma en hann er grunaður um eignaspjöll. Hann var vistaður í fangageymslu.