Tólf greindust í gær með Covid-19 innanlands á Íslandi og voru þar 11 í sóttkví við greiningu. Þetta staðfestir Rögnvaldur Ólafsson, aðstoðaryfirlögregluþjónn hjá Almannavörnum í samtali við mbl.is.
Þá greindust tíu á landamærunum. Samanlögð komu því 22 smit í gær upp á Íslandi.
Þá segir Fréttablaðið frá því að klasasmit hafi komið upp meðal hælisleitenda í Reykjavík sem búa þröngt. Hugsanlegt er að fleiri greinist í tengslum við þetta klasasmit.
RUV hefur greint frá því að átta ný smittilfelli hafi þegar komið upp í tengslum við smitið.
Í gær kom fram í fréttum að miklar annir hefðu verið í sjúkraflutningum, meðal annars vegna flutningi á Covid-19 smituðum í farsóttahús. Mun slökkviliðið hafa sinnt sautján flutningum á Covid-19 smituðum einstaklingum í gær. Sagði fréttavefurinn Mbl.is frá því að tólf einstaklingar hefðu verið í farsóttahúsum í gær og tengjast þeir allir eina og sama klasasmitinu.
Í gær greindu yfirvöld frá því að aðeins fjögur smit hefðu komið upp og þar áður voru þau átta, tvo daga í röð. Þetta er mesti fjöldi smita sem greinst hefur frá því 4. desember.
Ítarlegri tölfræði um smit í gær verða birt á Covid.is klukkan 11:00, líkt og áður.