Nýjar Covid-19 reglugerð tók gildi á miðnætti í nótt og er nú veitingastöðum heimilt að taka á móti allt að 15 gestum í hvert rými, og verslanir geta nú boðið 5 manns velkomna fyrir hverja 10 fermetra af verslunarrými, þó að hámarki 100 manns í hverri verslun.
IKEA opnaði í morgun og samkvæmt heimildum DV var þar margt um manninn strax við opnun verslunarinnar. Þá opnuðu sundstaðir landsins í morgun og sögðu fréttamiðlar landsins frá því að pottaspjallararnir hefðu fjölmennt strax við opnun.
„Bilun að gera,“ sagði annar heimildarmaður DV sem lagði leið sína í Kringluna. Tjáði hann blaðamanni að svo virtist sem kaupóðir landar ætluðu sér að tæma H&M í dag.
Þá var líflegra um að litast í miðbæ Reykjavíkur í hádeginu í dag en oft áður. Þannig var blaðamönnum sem áttu leið sína á Hornið í hádeginu í dag vísað í „gömlu jazzbúlluna,“ sem er kjallari veitingastaðarins, þar sem salirnir tveir á jarðhæðinni voru fullur. Röðin fyrir utan H&M sem má segja að hafi einkennt horn Hafnartorgs við Ingólfshól síðustu vikur er jafnframt horfin.
Runólfur Ágústsson, fyrrum rektor Háskólans á Bifröst og núverandi stjórnarformaður Lýðskólans á Flateyri birti jafnframt í gær ákall um að „versla í heimabyggð,“ og að hvatti fólk til þess að gera sér ferð í miðbæinn. „Það er svo miklu skemmtilegra að labba Laugaveginn en að ráfa um Smáralind eða Kringlu!“ sagði Runólfur.
https://www.facebook.com/runolfur.agustsson/posts/10225435627303500