fbpx
Laugardagur 16.janúar 2021
Fréttir

Trúfélög fá 280 milljónir á meðan Landspítalinn þarf að skera niður – „Ömurlegt“

Máni Snær Þorláksson
Mánudaginn 30. nóvember 2020 12:28

Mynd: Landspítalinn

Ekki missa af Helstu tíðindum dagsins í pósthólfið þitt

Lesa nánar

Vantrú, félag trúleysingja, mótmælir því harðlega að hækka eigi framlög til trúfélaga á sama tíma og verið er að skera niður í mikilvægum málaflokkum. Þetta kemur fram í tilkynningu frá félaginu.

Í nefndaráliti vegna fjárlaga fyrir árið 2021 er ákvæði þar sem lagt er til að sóknargjöld verði hækkuð. Áætlað er að með þessari breytingu hækki framlög til trúfélaga um 280 milljónir króna. Greint hefur verið frá því að sett verði aðhaldskrafa upp á 400 milljónir til Landspítalans á næsta ári. Vantrú segir það ömurlegt að trúfélög fái 280 milljónir á sama tíma.

„Trúfélög ættu auðvitað helst að vera rekin án aðkomu ríkisins, en á meðan settar eru aðhaldskröfur á heilbrigðisstofnanir er skammarlegt að hækka framlög ríkisins til Þjóðkirkjunnar og annarra trúfélaga,“ segir Vantrú í tilkynningunni. „Það er ömurlegt að þingmenn á borð við Willum Þór Þórsson fullyrði í fjölmiðlum að á næsta ári verið bara skorið niður um 400 milljónir hjá Landsspítalanum á meðan það er hægt að gefa Þjóðkirkjunni og öðrum trúfélögum árlega 280 milljónir til viðbótar.“

Þá bendir Vantrú á það hver fulltrúi VG er í nefndinni. „Það er einnig ótrúlegt að fulltrúi VG í nefndinni, Ólafur Þór Gunnarsson, sem er læknir, telji það eðlilegt að hækka framlög ríkisins til reksturs trúfélaga um leið og framlög ríkisins til reksturs heilbrigðiskerfisins eru skorin niður,“ segir Vantrú. „Í könnunum sem hafa verið gerðar um forgangsröðunar fjármála ríkisins setja landsmenn heilbrigðismál í fyrsta sæti og trúmál í neðsta. Við vonum innilega að þessi tillaga nefndarmanna verði felld á Alþingi enda örugglega í engu samræmi við vilja þjóðarinnar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Félag fanga hefur áhyggjur af meintum árásarmanni í Borgó – „Umræddur piltur sér ekki dagsljós nema í klukkustund á hverjum degi“

Félag fanga hefur áhyggjur af meintum árásarmanni í Borgó – „Umræddur piltur sér ekki dagsljós nema í klukkustund á hverjum degi“
Fréttir
Í gær

Á skilorði eftir alvarlegar hótanir gegn fjölskyldu – „Ég kem heim til ykkar og ég kæfi barnið þitt“

Á skilorði eftir alvarlegar hótanir gegn fjölskyldu – „Ég kem heim til ykkar og ég kæfi barnið þitt“
Fréttir
Fyrir 2 dögum

Úlfúð meðal tollvarða á Keflavíkurflugvelli – „Þeir eru mjög ósáttir að öryggi þeirra sé ekki tryggt“

Úlfúð meðal tollvarða á Keflavíkurflugvelli – „Þeir eru mjög ósáttir að öryggi þeirra sé ekki tryggt“
Fréttir
Fyrir 2 dögum

Fjögur smit innanlands

Fjögur smit innanlands