fbpx
Laugardagur 23.janúar 2021
Fréttir

„Ef ferðaþjónustan er ekki gjaldþrota nú þegar þá verður hún það innan tíðar“

Ágúst Borgþór Sverrisson
Miðvikudaginn 25. nóvember 2020 12:30

Ásberg Jónsson, framkvæmdastjóri Nordic Visitor. Mynd; Fréttablaðið

Ekki missa af Helstu tíðindum dagsins í pósthólfið þitt

Lesa nánar

Forsvarsmenn ferðaþjónustufyrirtækja segja að það verði að breyta reglum um landamæraskimun á næsta ári og sú ákvörðun þurfi að liggja fyrir snemma á árinu. Annars sé ferðaþjónustan búin að vera. Þetta kemur fram í fréttaskýringu í Fréttablaðinu í dag.

Núverandi fyrirkomulag er þannig að allir sem koma til Íslands þurfa að fara í skimun á landamærum, síðan tekur við fimm daga sóttkví og önnur skimum að henni lokinni. Ferðaþjónustuaðilar segja að flest önnur lönd séu meira opin en Ísland og að nánast engir ferðamenn komi til landsins næsta sumar ef fyrirkomulaginu verður ekki breytt.

„Ég get ekki hugsað til enda, hvað verður um fyrirtæki í ferðaþjónustu, ef sömu sóttvarnarráðstafanir verða við landamærin langt inn í næsta ár,“ segir Ásberg Jónsson, framkvæmdastjóri Nordic Visitor við Fréttablaðið.

Núverandi fyrirkomulag er í gildi til 1. febrúar. Þann 15. janúar verður tilkynnt um framhald aðgerða. Ferðaþjónustuaðilar telja að í þeirri tilkynningu verði að koma fram tilslakanir enda panti ferðamenn sumarferðir snemma á árinu.

Jóhannes Þór Skúlason, framkvæmdastjóri Samtaka ferðaþjónustunnar, segir að ferðaskrifstofur og flugfélög panti ekki ferðir til Íslands á meðan óvissa ríki um áframhald takmarkana:

„Það er því gríðarmikilvægt að stjórnvöld tilkynni sem allra fyrst um það hvernig sóttvarnaaðgerðum verði háttað frá áramótum, það er veiti fyrirsjáanleika um það hvaða forsendur muni liggja til grundvallar ákvörðunum um þær og við hverju megi búast í útfærslum miðað við hverjar forsendur fyrir sig. Á meðan þetta er ekki tilkynnt tapar samfélagið miklum verðmætum í hverri viku, það er verðmætum sem annars væru nú að verða til með bókunum ferðaskrifstofa á Íslandsferðum næsta sumar og haust,“ segir hann.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ísland nýsmitlaust í gær

Ísland nýsmitlaust í gær
Fréttir
Í gær

Tölvuþjófurinn úr þinghúsinu laus úr haldi með ökklaband – Kennir Trump um athæfi sitt

Tölvuþjófurinn úr þinghúsinu laus úr haldi með ökklaband – Kennir Trump um athæfi sitt
Fréttir
Fyrir 2 dögum

Lögreglan lýsir eftir Seljaskólaperranum – Var með grímu

Lögreglan lýsir eftir Seljaskólaperranum – Var með grímu
Fréttir
Fyrir 2 dögum

Mannanafnanefnd aftur farin á stjá – Sótt um Aquamann og Viðey

Mannanafnanefnd aftur farin á stjá – Sótt um Aquamann og Viðey
Fréttir
Fyrir 2 dögum

Þóttust vera eftirlitsmenn frá MAST og lokuðu hundagæslu

Þóttust vera eftirlitsmenn frá MAST og lokuðu hundagæslu
Fréttir
Fyrir 2 dögum

Skólabílstjóri sem sakaður var um kynferðislega áreitni tapar skaðabótamáli gegn Dalabyggð

Skólabílstjóri sem sakaður var um kynferðislega áreitni tapar skaðabótamáli gegn Dalabyggð