DV - Frjáls og óháður miðill

Tarot Spil á DV

Smelltu hér til að sjá spádóm þinn í dag

Föstudagur 19.apríl 2024

Fréttir

Niðurtalning í Viðurkenningarhátíð FKA 2021 er nú hafin

Jón Þór Stefánsson
Föstudaginn 20. nóvember 2020 09:00

Niðurtalning í Viðurkenningarhátíð FKA 2021 er nú hafin

Síðast voru það Guðbjörg Heiða Guðmundsdóttir, Anna Stefánsdóttir og Þorbjörg Helga Vigfúsdóttir sem tóku við FKA viðurkenningunni, FKA þakkarviðurkenningunni og FKA hvatningarviðurkenningunni.

Niðurtalning í Viðurkenningarhátíð Félag kvenna í atvinnulífinu, eða FKA 2021 er nú hafin og opnað hefur verið fyrir tilnefningar.

FKA Viðurkenningarhátíðin verður haldin 27. janúar 2021 og veittar verða viðurkenningar til þriggja kvenna sem hafa verið konum í atvinnulífinu hvatning og fyrirmynd.

Hvaða konur ættu að þínu mati að fá viðurkenningar FKA?

„Mikilvægt er að fá nöfn ólíkra kvenna af landinu öllu á lista, fjölbreyttan hóp með ólíkan bakgrunn og reynslu. Svo er það dómnefnd sem mun vinna með tilnefningarnar og á endanum velja þær konur sem verða heiðraðar á FKA Viðurkenningarhátíðinni. Allir geta sent inn tilnefningu,“ segir Andrea Róbertsdóttir framkvæmdastjóri FKA

„Framlína íslensks viðskiptalífs og félagskonur FKA fagna með viðurkenningarhöfum að vanda en vegna þess að ekkert er eins og fyrir tveimur vikum og ekkert verður eins eftir tvær vikur þá verður spennandi að kynna með hvaða hætti framkvæmd hátíðarinnar verður í janúar, einmitt það já. Næsta spurning,“ segir Andrea Róbertsdóttir framkvæmdastjóri FKA glöð í bragði og bendir á að niðurtalning í Viðurkenningarhátíð FKA 2021 er nú hafin.

Andrea Róbertsdóttir, framkvæmdastjóri FKA

Á FKA viðurkenningarhátíðinni síðast voru það Guðbjörg Heiða Guðmundsdóttir, Anna Stefánsdóttir og Þorbjörg Helga Vigfúsdóttir sem tóku við FKA viðurkenningunni, FKA þakkarviðurkenningunni og FKA hvatningarviðurkenningunni.

„Dómnefnd hefur verið skipuð og opnað hefur verið fyrir tilnefningar á heimasíðu FKA. Hvetjum alla til að tilnefna og hafa áhrif á valið. Það eru 1200 konur í Félagi kvenna í atvinnulífinu en reglan er sú að konurnar sem eru tilnefndar þurfa ekki að vera félagskonur FKA. Þú getur tilnefnt konur í öllum flokkum eða bara einum flokki en mjög mikilvægt er að fá fjölbreyttan hóp kvenna á blað til að færa dómnefnd,“ segir Andrea og bendir á að hægt er að tilnefna á heimasíðu Félags kvenna í atvinnulífinu FKA.

Það er alltaf vandasamt að velja viðurkenningarhafa og að mörgu að huga. Til þess höfum við skipað dómnefnd 2021. Sjö einstaklingar úr atvinnulífinu sem hefur breiðan bakgrunn og við reynum að ná utan um fjölmargar breytur í vali á dómnefnd eins og reynslu, aldur, búaseta og þannig mætti lengi telja. Það er í fullu samræmi við stefnu FKA fyrir stjórnarmenn og stjórnendur framtíðarinnar.

Í dómnefnd í ár eru þau:

Áslaug Gunnlaugsdóttir stjórnarkona FKA, lögmaður og eigandi LOCAL lögmenn / Formaður dómnefndar.

Ásthildur Sturludóttir, bæjarstjórinn á Akureyri.

Hilmar Garðar Hjaltason, Vinn-vinn / ráðgjöf, ráðning stjórnenda, lykilstarfsmanna og sérfræðinga.

Hólmfríður Sigurðardóttir, umhverfisstjóri OR og situr í stjórn Orku náttúrunnar.

Lilja Einarsdóttir, bankastjóri Landsbanka.

Nökkvi Fjalar Orrason, stofnandi og eigandi SWIPE og podify.

Þórður Magnússon, stjórnarformaður Eyris Invest.

Dómnefnd mun fara yfir allar tilnefningar sem berast FKA frá almenningi og atvinnulífinu, metur og á endanum velur þær sem hljóta FKA þakkarviðurkenningu, FKA viðurkenningu og FKA hvatningarviðurkenningu 2021,“ segir Andrea. „Kíkið á fka.is og keyrum þetta í gang!“

Viðurkenningarhafar síðustu ára – frá upphafi:

Valforsendur – Viðurkenningin er veitt fyrir vel unnin störf í þágu atvinnureksturs kvenna eða þeim sem hafa verið konum í atvinnulífinu sérstök hvatning og fyrirmynd.

Viðurkenningarhafar fyrri ára eru:

Guðbjörg Heiða Guðmundsdóttir

Margrét Kristmannsdóttir

Erna Gísladóttir

Guðrún Hafsteinsdóttir

Birna Einarsdóttir

Guðbjörg Matthíasdóttir

Liv Bergþórsdóttir

Margrét Guðmundsdóttir

Rannveig Grétarsdóttir

Aðalheiður Birgisdóttir

Vilborg Einarsdóttir