Donald Trump, fráfarandi forseti Bandaríkjanna, viðurkenndi sigur Joe Biden í forsetakosningum Bandaríkjanna í fyrsta skipti í dag. Hann gerði það á Twitter og sagði í leiðinni að um kosningasvindl væri að ræða, þess vegna hafi Biden borið sigur af hólmi. CNN greindi frá.
„Hann vann bara í augum FALSFRÉTTAMIÐLA. Ég gef EKKERT eftir! Það er löng leið framundan. Þetta var KOSNINGASVINDL!“ sagði Trump í tísti sínu sem sjá má hér fyrir neðan. Eins og sést hefur Twitter véfengt fullyrðinguna með viðvörun.
He only won in the eyes of the FAKE NEWS MEDIA. I concede NOTHING! We have a long way to go. This was a RIGGED ELECTION!
— Donald J. Trump (@realDonaldTrump) November 15, 2020
Skömmu áður en Trump birti þessa færslu á Twitter birti hann aðra þar sem hann sagði eftirfarandi: „KOSNINGASVINDL. VIÐ MUNUM VINNA!“.
RIGGED ELECTION. WE WILL WIN!
— Donald J. Trump (@realDonaldTrump) November 15, 2020