Gulleyjan ehf. var nýlega tekin til gjaldþrotaskipta og fundust engar eignir í búinu. Lýstar kröfur í það voru 239.476.176 kr. Þetta kemur fram í Lögbirtingablaðinu í dag.
Einkahlutafélagið Gulleyjan rak barinn Curious Bar sem var starfræktur í Hafnarstræti um skamma hríð. Staðurinn var fyrst opnaður sumarið 2019. Átti þetta að vera skemmtistaður fyrir hinseginsenuna á Íslandi. Hann var hins vegar opinn mjög stopult.
DV hafði samband við Stefán árna Auðólfsson lögmann, sem er skiptastjóri búsins. Samkvæmt honum má rekja háar kröfur í búið til æfinga hjá leigusala: „Í raun og veru er þetta bara lítið gjaldþrot. En leigusamningurinn var gjaldfelldur til margra ára og einhver framtíðarleiga sett inn sem krafa. Útistandandi kröfur voru í rauninni ekki miklar,“ segir Stefán.
Stefán segir að barinn hafi í raun aldrei verið opnaður almennilega. Þetta hafi verið brostinn draumur um Gay/vegan bar sem átti aldrei möguleika eftir að lokaði fyrir komur erlendra ferðamanna til landsins.