fbpx
Mánudagur 23.nóvember 2020
Fréttir

75 smit í gær og fjölgar á gjörgæslu – Hertar aðgerðir kynntar klukkan eitt

Heimir Hannesson
Föstudaginn 30. október 2020 11:11

Ekki missa af Helstu tíðindum dagsins í pósthólfið þitt

Lesa nánar

75 smit greindust innanlands í gær, sem er ívið meira en daginn þar áður og í takt við það sem Íslendingar hafa þekkt síðustu tvær vikur eða svo. Ekkert lát virðist því vera á þriðju bylgju Covid-19 faraldursins hér á landi.

Hertar aðgerðir verða tilkynntar „öðru hvoru megin við hádegi,“ að sögn Katrínar Jakobsdóttur forsætisráðherra. Ríkisstjórnin fundar nú um minnisblað Þórólfs Guðnasonar sóttvarnalæknis og verður boðað til blaðamannafundar í kjölfar þess fundar.

65 greindust við sýnatöku vegna einkenna og 10 í sóttkvíar- og handahófsskimun. Fimm greindust á landamærunum, þar af er eitt smit staðfest virkt en beðið er eftir niðurstöðum úr mótefnamælingu í fjórum tilfellum. Af þeim 65 sem greindust voru 80% í sóttkví.

Nýgengi smita mældist í gær 211, en er í dag 213,3.

64 eru á spítala, samkvæmt tölum af Covid.is, og þar af fjórir á gjörgæslu sem er fjölgun frá því í gær. Þá er ljóst af tölum af Covid.is að fjöldi smita í hæstu aldurshópunum hefur aukist talsvert hratt síðustu vikuna, og má vafalaust rekja það til hópsmits á Landakoti sem dreifði sér á önnur hjúkrunarheimili.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fimmtán innanlandssmit í gær

Fimmtán innanlandssmit í gær
Fréttir
Fyrir 2 dögum

Félagsráðgjafi segir venjulega krakka vera að ströggla – „Það spyr enginn, hvernig líður þér?“

Félagsráðgjafi segir venjulega krakka vera að ströggla – „Það spyr enginn, hvernig líður þér?“